陳儀興牛什粉麵 (鴻祥大廈)

【油尖旺區】【陳儀興牛什粉麵】旺角鬧市搵嘢食都有選擇困難，同美女朋友嚟旺角做嘢就遇到呢個問題。不過見到呢間粉麵店就好有興趣，因為佢哋有好多刁鑽部位可以食，例如牛脆骨同牛沙瓜，沙瓜係牛嘅第四個胃，用嚟分泌胃酸同埋消化酶嚟消化食物中嘅蛋白質同脂肪，之前都介紹過。我食 $81 嘅「牛沙瓜套餐」，主食我要「牛沙瓜粗麵」，因為沙瓜比較細個，所以每隻牛得好少，比較難食到。望落個樣真係其貌不揚，不過食落佢幾嫩滑，幾正！個餐配「蠔油生菜」，都幾好，加 $2 飲「五花茶」，自家製嘅出品，味道都唔錯㗎喎。而佢就食 $74 嘅「牛脆骨套餐」，要咗「牛脆骨麵」，幼麵都係咁上下嘅啫，係牛脆骨夠晒特別，我食咗嚿，勁爽脆惹味囉。加埋油菜「腐乳通菜」同嘢飲「熱奶茶」就啱啱好，前者好夠味，又排得靚，後者就有傳統茶記熱奶茶嘅水準，成件事都唔錯喎。我哋仲叫咗個小食，就係 $35 嘅「炸墨魚條」，估唔到幾有驚喜，熱辣辣炸起，墨魚味又好足，啖啖肉，爽呀。埋單 $192，佢哋嘅服務都好好，一班後生仔喺度做，好有活力。同埋最欣賞佢哋廚房好光猛，完全睇到廚部喺度做乜，衛生情況亦都好好。。。（地址：旺角煙廠街1-3號鴻祥大廈地下E號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #旺角東 #油麻地 #陳儀興牛什粉麵 #牛脆骨麵 #牛沙瓜粗麵 #蠔油生菜 #腐乳通菜 #炸墨魚條 #熱奶茶 #五花茶 #1am1880 #1ambackup…查看更多

🎀旺角。人氣港式限量罕有部位麵檔👍🎀🪄店名* #陳儀興牛什粉麵🔮地址* 香港旺角煙廠街1-3號鴻祥大廈地下E號舖 🔮🗾分店地區🗾 沒有分店💰價錢$123 (1人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_旺角剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵陳儀興以傳統港式裝修為主，位於旺角繁華街道，醒目招牌吸引眼球。店員熱情招呼，晚市時段常見上班族及熟客光顧。半開放式廚房設透明玻璃，煮食過程一目了然，乾淨整潔。座位寬敞，環境企理，特別以復古窗框設計及牆上香港電車插畫增添懷舊風情。🍽️食物質素🍽️主打港式牛雜粉麵，提供多款罕有部位如牛沙瓜、牛脆骨等，榮獲關注組推薦。可自選套餐搭配粉麵飯或淨食，湯底濃郁，牛雜處理得宜，口感豐富。價格合理，深受在地食客喜愛。👀評分💖💖💖💖💖🪄 牛沙瓜幼麵餐 + 蠔油生菜 + 可樂 $83第一次試牛沙瓜呢個部位，真係好有驚喜！牛沙瓜其實係牛嘅第四個胃，屬於肚嘅部位，口感偏瘦得嚟又帶點爽脆，同一般肥膩嘅牛雜好唔同，食落完全無罪惡感，感覺幾新鮮。配上我最鍾意嘅幼麵，麵質爽滑，湯底清甜濃郁，夠晒飽肚。套餐跟咗碟蠔油生菜，份量十足，生菜細細棵好嫩口，蠔油香而不鹹。最正係佢哋提供傳統玻璃瓶裝可樂，飲完成個懷舊感返晒嚟！👀評分💖💖💖💖💖🪄 陳記小食「我要晒」$40嚟到陳儀興，點可以唔試吓佢哋嘅招牌小食！如果同我一樣心多多咩都想試，直接叫「我要晒」就最啱～呢個拼盤有齊炸魚皮、炸魚條、炸章魚丸同炸蝦棗丸，每款一至兩件，樣樣試勻唔會漏。所有炸物都係即叫即炸，上枱熱辣辣，入口超彈牙，外脆內軟又唔會乾柴。特別推薦炸魚條，魚味超級濃郁，真材實料；炸蝦棗丸香口惹味，仲保留到蝦肉鮮甜。呢個價錢有齊四款特色小食，真心抵食！(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌…查看更多

今次同一班朋友食陳儀興潮式牛什粉麵，好味要分享一下！🍜 (極罕有部位)牛脆骨配河粉：係牛肋骨旁邊嘅軟骨部位，煮得超級淋～ 咬落去有少少爽脆感，燉得夠腍又入味。(罕有部位)牛沙瓜配河粉：牛沙瓜其實係牛嘅第四個胃嚟㗎！聽落好似好特別，食落真係好正有啲似爽口嘅豬肚～(限量招牌)崩沙腩配幼麵：崩沙腩絕對係牛腩中嘅極品！一層肥一層瘦，仲連住薄薄嘅筋膜～ 咬落去真係層次豐！肥膏部分入口即化，瘦嘅部分夠晒淋完美！(自家製)鮮蝦雲吞配河粉：雲吞皮薄且富彈性，蝦肉鮮甜彈牙，河粉湯清甜輕盈，簡單卻非常滿足。🥬· 菜心：新鮮焯至爽脆，淋上少許蠔油，滋味加分· 通菜：加入少許腐乳調味，提升整體香氣和層次· 生菜：簡單焯熟，口感清新爽口，沾蠔油一樣好食☕ · 凍檸茶：🍋新鮮檸檬片，茶底香· 凍奶茶：茶味濃郁且幼滑，甜度恰到好處· 金銀花茶：自家制帶淡淡花香，清熱解毒健康之選🍤 炸雲吞：外皮金黃酥脆，餡料飽滿蝦肉，一口咬下多重口感十足。· 炸魚皮：魚皮好脆浸湯汁食，朔晒啲湯令人一試難忘 「我要晒」：$40 大碟多款小食，炸魚條，墨魚條等，特別適合想試多款不同味覺嘅朋友。牛什質素高真係無得輸，份量亦多，朋友都贊不絕口，迫不及待下次再嚟！👍…查看更多

今日嚟到旺角廣華街附近覓食，天氣熱所以食少少嘢就OK，呢間餐廳主打牛腩同埋不同牛嘅罕有部位，今次就揀咗牛脆骨同試一試佢嘅招牌雲吞😋餐牌上面有不同套餐，可以跟埋油菜同埋嘢飲都幾優惠！今次加咗少少錢換咗涼茶，啱晒呢啲咁熱嘅天氣飲啦😀🐮 牛脆骨河粉 牛脆骨熬得夠入味，唔會韌，啖啖有膠質感，軟硬適中都幾爽口，再配上滑溜彈牙嘅河粉，食落夠晒滋味，湯底係牛腩汁，夠晒潮州地道風味。🍤 自製鮮蝦雲吞河粉 雲吞皮薄得嚟有彈性，包住嘅大大粒原隻蝦肉，食落鮮甜爽口，豬肉餡細膩而唔油膩，調味帶出鮮味。滑溜嘅河粉吸收咗清甜嘅湯底，湯底用大地魚、蝦殼熬製，香氣自然又經典。🍤 炸蝦棗丸 外層炸得金黃香脆，蝦肉餡鮮甜帶彈牙口感，加入調味料令味道豐富，咬開軟熟中帶甜香，好惹味又開胃。🥬 腐乳通菜 通菜爽脆，加咗腐乳醬汁鹹香濃郁帶少少酒香。🥦 蠔油菜心 菜心煮得啱啱好，淋上濃稠嘅蠔油提鮮，簡單得嚟又健康。☕ 五花茶 傳統五花茶有甘草、桂花等中藥材料，味道甜中帶花香，清新解膩幫助消化。☕ 羅漢果茶 羅漢果茶天然清甜且帶淡淡果香，潤喉又滋潤，係潤肺解渴嘅好選擇。…查看更多

喺旺角收工，想簡單食d野，路過見到間餐廳入面都好多人，再望一望食粉麵嘅，啱食！抱住人多都應該唔差嘅心態一試。見有個”招牌極罕有牛脆骨”，真係聞所未聞，就梗係要試下佢la⭐️牛脆骨河粉+22蚊轉套餐就包埋油菜或者魚皮、湯或者飲品，我就揀左生菜及凍檸茶牛脆骨食落爽脆，但係又唔硬，食落有d似食緊軟骨嘅感覺，好有驚喜，好香牛味，真係食過一次返唔到轉頭呀，太正la，另外要一讚，蔥同蒜分開上，好細心，同埋d蒜好香😋生菜雖然跟餐，但係都大大份，賣相都好靚，生菜食落好新鮮，仲要唔overcook,食落仲好爽口😋，係我鐘意嘅口感黎，好難得😍⭐️炸雲吞炸雲吞跟埋我最愛嘅甜酸醬，咬落脆卜卜，炸得夠亁身，食落有驚喜，入面有d豬肉，仲有大大隻蝦添，咬落好彈牙，好足料，大大粒😍店員嘅服務好好，已經好少見la,抵讚呀👍一個人食飯冇野做，最鐘意就係四圍望，見到有張poster寫住”下載會員app,積分當錢洗”，li間鋪頭值得再encore,下載埋先😍…查看更多

陳儀興牛什粉麵座落喺旺角煙廠街，店舖周圍人流不斷，基本上每張枱都坐滿咗人，翻枱率亦高。牛脆骨河粉牛脆骨屬於比較罕見嘅部位，都算係呢間店嘅亮點之一食落去脆爽有嚼勁，口感有啲似雞軟骨河粉夠滑，加小小辣椒油後更添層次自製鮮蝦雲吞幼麵幼麵有細微嘅鹼水味，加啲醋後味道更平衡雲吞粒粒大皮薄餡靚，蝦同豬肉嘅比例恰到好處炸魚皮炸魚皮大大塊脆卜卜，浸一浸落個湯度再食就剛剛好腐乳通菜份量出乎意料地多，通菜翠綠鮮嫩夠爽口腐乳帶點鹹香味道唔會過重炸墨魚條外層金黃，內裏彈牙有嚼勁墨魚味道非常濃，呢個小食值得一試紅豆冰紅豆份量多到好似食緊紅豆沙咁，甜度適中羅漢果茶帶有甘苦嘅雙重味道，味道清新但後勁略苦總結：想快又唔想將就，陳儀興係一個好選擇，而且除咗牛脆骨仲有崩沙腩、牛沙瓜等熱門菜式，都好多人叫嫁。…查看更多

🍜 自製鮮蝦雲吞餐（配幼麵、通菜、咸檸七）雲吞皮薄餡靚，蝦肉爽口彈牙，咬下去有鮮味的感覺。幼麵煮得恰到好處，滑而不糊，吸收了雲吞湯底的鮮甜。通菜增添一抹清新，爽口！咸檸七係經典港式配搭，清爽解膩。🍲 崩沙腩餐（配河粉、生菜、凍檸茶）崩沙腩是港式牛腩的進階版🫶🏻燉得軟腍入味，脂香四溢但不膩口。河粉滑溜而有口感，吸附了牛腩汁後更添風味。生菜爽口，凍檸茶是點睛之筆，茶味濃郁，檸檬香氣清新，少甜更能突顯茶的回甘，🦑 炸墨魚條炸墨魚條外皮金黃酥脆，內裡墨魚肉鮮嫩彈牙，毫無腥味。調味不過重，保持墨魚的鮮味。若配上少許甜辣醬，更提升層次。…查看更多

🌸牛脆骨湯米粉🌟🌟🌟🌟🌟牛脆骨係牛肋骨邊邊既軟骨，所以非常罕有既部位，牛脆骨口感爽脆，而且份量十足，米粉軟硬適中，配埋濃郁湯汁非常惹味。🍀腐乳通菜🌟🌟🌟🌟🌟腐乳味濃郁，味道調教得剛剛好配搭爽脆通菜🍀竹蔗茅根馬蹄水竹蔗茅根馬蹄水鮮甜濃郁，可以解下口渴。🌸崩沙腩淨食🌟🌟🌟🌟🌟滿滿崩沙腩，每一件都肥瘦適中，崩沙腩下還墊了鮮甜入味白蘿蔔及爽口生菜。🍀蠔油菜心🌟🌟🌟🌟🌟鮮甜嘅菜心🍀五花茶🌟🌟🌟🌟🌟味道濃郁，可以清清熱氣。🌸炸自製鮮蝦雲吞🌟🌟🌟🌟🌟炸得夠脆卜卜，內裏鮮蝦夠鮮嫩，再點埋泰式辣醬非常惹味。…查看更多

旺角陳儀興牛什粉麵，有好多罕見牛部位，身為牛魔王嘅我，梗係要嚟試吓啦！ 💖 📍 地址：旺角煙廠街1-3號鴻祥大廈地下E號舖🍜 崩沙腩麵 + 脆炸魚皮🐟崩沙腩，肥瘦適中，入口即化，牛味十足，必食！💖魚皮好脆，同牛湯一齊食真係一流！ 🤤🦴 牛脆骨牛脆骨，好少見嘅部位，好似豬耳咁嘅軟骨，好特別！💖🐙 炸章魚丸小食嚟講都唔錯，熱辣辣夠彈牙，點埋泰式辣醬就好！👍呢間鋪頭嘅牛夠晒特別，💯 套餐凍飲唔洗加錢，飲涼茶都係+2蚊，真係價錢夠晒親民！ 如果你想試吓唔同嘅牛部位，不妨嚟呢度試吓！🌟…查看更多

陳儀興牛什粉麵 一間潮州牛什、牛腩粉麵的茶餐廳仲可以試到稀有牛肉部位如崩沙腩餐廳選擇都幾多👍🏻🥢牛脆骨餐 $76 (粉/麵/飯) +菜份量都幾多下 唔係得幾件牛脆骨第一次食 感覺幾特別😳脆卜卜 幾爽口🙈🥢自家製那金銀花茶 +$2飲落去唔會好苦 幾清熱🥢炸章魚丸 $35下次會試吓其他☺️💡餐廳收現金,八達通🔗營業時間:星期一至日10:30-01:00📍 陳儀興牛什粉麵 旺角煙廠街1-3號鴻祥大廈地下E號舖…查看更多

牛脆骨呢個部位好少見而我亦暫時只喺呢度見過有得食牛脆⻣其實牛嘅氣管位食落有啲似食緊軟骨咁好爽脆淨食牛脆骨份量好足有一半係牛脆⻣另一半大概係相連嘅部位有啲似腩位但又比腩位瘦dd要一讚淨食係生菜蘿蔔底而且蘿蔔仲好入味軟腍係淨食先有嘅嘅小確幸小食「我要晒」係乜炸物都可以試晒Menu上嘅炸物除雞翼外全部都有各一淺嚐係for 貪心仔拼盤— 炸魚皮、雲吞、魚條、墨魚條、章魚丸、蝦棗丸我最鍾意係墨魚條！食完好有衝動想買走…查看更多

夜晚叫咗兩個晚餐，分別係牛脆骨餐同埋沙瓜餐，每個餐包嘢飲之餘仲要連埋蔬菜😱碗麵上到嚟有啲嚇親，見到勁多餸，平時出去食牛腩麵都係得幾舊，冇諗過呢度咁足料！第一次食牛脆骨同埋沙瓜，覺得幾特別，呢度嘅湯好濃味，正😆！想講冇諗過係咁大兜菜，食晒成個餐真係飽到傻！仲嗌咗個小食，我要晒，呢個小食就乜都有，不過當日去到已經冇炸蝦丸，同埋墨魚丸，所以就幫我哋轉左炸雲吞，上到嚟全部熱辣辣，配埋個甜辣醬，好惹味😋叫咗兩杯自家製涼茶，分別係竹蔗茅根馬蹄水同埋五花茶，唔會話好苦都唔會話好甜，好解渴，真心十分推介，覺得嚟呢度一定要試吓佢個自家製涼茶👍🏻！！！另外私心想讚吓個店員，店員好細心，見到我哋手機就咁擺咗喺張凳上面，都特登提我哋小心啲擺返好部手機，小心跌落地，真係覺得好窩心🥹…查看更多

在香港一定要食下一個正宗牛腩麵！仲要揀最罕有嘅部位崩沙腩同牛脆骨！不過記得要早啲到，否則罕有部位好快售罄！淨崩沙腩崩沙腩係牛裏面嘅罕有部位，我叫埋之後就已經係最後一碟7:00已經冇得再食，所以想食嘅就真係要趁早！婚紗腩出名就係牛肉味香濃，而且有一層薄薄的脂肪，讓整個牛腩的口感更提升！牛脆骨飯牛脆骨又係另一個牛嘅罕有部位，好少地方有得食，雖然我唔知道佢係牛嘅邊一個部位，但係係脆脆地嘅質感真係好少見！最主要淨係食雲吞麵店的油菜，因為生菜加上蠔油好夠味！而且腐乳通菜夠晒正宗！當然食完啲咁港式嘅牛腩麵唔少得飲埋港式凍奶茶同埋凍檸茶！…查看更多

今日同朋友嚟到呢間睇落好地道嘅粉麵店，一試之下竟然有驚喜！最吸引係佢哋嘅特別牛部位，真係坊間少見～必試推薦🔥： ▪️牛脆骨真係第一次食！口感超特別，爽脆中帶點煙韌，咬落「索索聲」好過癮，滷得超入味😋 ▪️沙瓜（即係牛脾罎）軟滑得嚟帶點筋性，啖啖膠質感覺👅 ▪️崩沙腩絕對係MVP💯！半肥瘦恰到好處，筋膜位軟糯入味，入口真係有種融化感覺～配河粉索盡湯汁簡直絕配！仲有自家製鮮蝦雲吞絕對要加分！見到店員即場包製👏🏻，每隻都大大粒，皮薄餡靚，入面原隻鮮蝦彈牙到不得了🦐，鮮味爆燈！湯底都值得一讚，清甜唔過鹹，飲得出來係真材實料熬製～炸魚皮浸湯後半脆半軟正到震！雖然環境就係傳統小店格局，但食物質素真心高，而且價錢合理～已經bookmark下次要試埋佢哢其他部位！…查看更多

牛沙瓜套餐 $81牛沙瓜牛既第四個胃同豬肚有啲似，口感爽脆而不失嚼勁係較少見既牛雜幼麵質地爽彈有咬口但唔難咬斷湯底濃郁配埋香氣十足既炸蒜夠曬惹味腐乳通菜通菜鮮綠腐乳醬鹹香帶微辣絕配金銀花茶 +$2入口時感受到金銀花獨有既清香、微甜甘味隨之越來越濃烈飲完口腔十分清爽、有下火既感覺果然真材實料崩沙腩淨食套餐 $171崩沙腩淨食崩沙腩係牛既橫隔膜、牛腩中最矜貴既部分份量十足、滿滿一碟筋膜連住腩肉、肥瘦摻半牛味突出肉質軟淋碟底仲有新鮮淋甜既蘿蔔同生菜清爽解膩蠔油生菜生菜翠綠口感爽脆唔會因為套餐而減少份量外食都可以營養均衝羅漢果茶 +$2飲得出係自家製甜度唔高入口温潤清甜屬於羅漢果既甘甜好飲炸蝦棗丸 $35蝦棗口感彈牙有蝦既鮮甜味油炸後外皮酥香配搭甜辣醬一齊食唔會覺得油膩味道層次更加豐富整體而言，餐廳看似食普通既港式粉麵但試過先知提供既都係罕有部位＋$22轉套餐仲可以有菜同飲品營養均衡又夠飽十分值得一試…查看更多