GREEN

放假約左朋友嘆茶, 大家都想慢慢黎, 所以揀左去酒店, 以前呢間訂位都可能要好耐, 但今日黎到唔洗點等已經入得. 坐低左又落埋order, 等左一陣就黎左英式鬆餅. 鬆餅幾軟熟, 唔會太硬, 而且有提子. 仲有兩款jam可以搽, 奶油同果jam, 我鍾意果jam, 因為酸酸甜甜開胃一點.底層芝士士多啤梨慕絲, 芝士味唔太濃, 清清地, 配上士多啤梨酸酸地, 食落好開胃唔會漏. 仲有檸檬撻同士多啤梨批, 檸檬撻好清新, 士多啤梨批就酸酸甜甜, 兩個個批底都好鬆化. 另仲有松露朱古力, 好香松露味, 唔會太甜.中間係熟食既雞胸, 唔會太鞋, 幾嫩滑. 三文魚薯仔餅, 薯仔餅唔會太漏, 淡淡三文魚香味, 好清新. 仲有鵝肝伴黑醋, 鵝肝好肥美, 祗溶響口唔溶響手, 配埋黑醋酸酸地令人好開胃, 唔會覺得膩.最頂青豆凍湯, 青豆味唔算太濃, 不過湯質感幾滑. 炸蝦外表好脆, 唔會太油膩, 蝦新鮮彈牙. 蕃茄釀茄子, 蕃茄酸酸地, 放滿茄子既內餡, 好健康既蔬菜款式.