影片
更多
2025-02-28
345 浏览
呢排又要進修，又要做嘢真係幾辛苦😆 所以一定要慰勞下自己😎 去＜牛大人＞食餐火鍋放題補數，今日去咗銅鑼灣廣場二期嗰間，好旺好多人，初頭諗住八點半唔使book位，好彩book咗先，如果唔係有排等😌😌 上次食過日本黑毛和牛非常正，今日一於再encore，未坐之前要揀定個湯底，今次就試下胡椒豬肚雞湯，食和牛唔想湯底太濃，呢個非常推薦✅ 火鍋放題指定動作，首先整個調味醬先啦，呢度好多款揀一定有款啱你，最正係有日本雞蛋😀 絕對係和牛嘅好朋友。另外喺雪櫃攞埋汽水同茶🥰日本黑毛和牛A4+吃到飽套餐係必揀，睇下啲和牛幾靚，出面食一碟都唔只呢個價，半生熟和牛點埋日本雞蛋食，真係回味無窮🤤 之後encore嘅質素都一樣咁好，品質非常穩定🥰套餐贈送海鮮拼盤同埋澳洲M9和牛牛丸，都唔錯😎 海鮮拼盤竟然有龍蝦🦞唔大隻但肉質鮮嫰！和牛牛丸真係非一般牛丸可以媲美，食咗返唔到轉頭🤣比利亞黑毛豬梅肉除咗和牛，豬肉都非常唔錯，睇賣相都知，必食😀另外＜牛大人＞呢期主打鮑魚：鮮甜鮑魚夠曬厚肉，配埋火鍋醬料食，一流！炭燒鹽蔥鮑魚超惹味，呢個我都有再點！古法醉鮑魚呢個要慢慢品嚐，裏面嘅酒香會滲出嚟，好得！柚子燒汁鮑魚味道都唔錯，
上次食過日本黑毛和牛非常正，今日一於再encore，未坐之前要揀定個湯底，今次就試下胡椒豬肚雞湯，食和牛唔想湯底太濃，呢個非常推薦✅
火鍋放題指定動作，首先整個調味醬先啦，呢度好多款揀一定有款啱你，最正係有日本雞蛋😀 絕對係和牛嘅好朋友。另外喺雪櫃攞埋汽水同茶🥰
日本黑毛和牛A4+吃到飽套餐係必揀，睇下啲和牛幾靚，出面食一碟都唔只呢個價，半生熟和牛點埋日本雞蛋食，真係回味無窮🤤 之後encore嘅質素都一樣咁好，品質非常穩定🥰
套餐贈送海鮮拼盤同埋澳洲M9和牛牛丸，都唔錯😎 海鮮拼盤竟然有龍蝦🦞唔大隻但肉質鮮嫰！
和牛牛丸真係非一般牛丸可以媲美，食咗返唔到轉頭🤣
比利亞黑毛豬梅肉
除咗和牛，豬肉都非常唔錯，睇賣相都知，必食😀
另外＜牛大人＞呢期主打鮑魚：
鮮甜鮑魚
夠曬厚肉，配埋火鍋醬料食，一流！
炭燒鹽蔥鮑魚
超惹味，呢個我都有再點！
古法醉鮑魚
呢個要慢慢品嚐，裏面嘅酒香會滲出嚟，好得！
柚子燒汁鮑魚
味道都唔錯，值得一試！
另外，＜牛大人＞出名配料多，呢個唔使多講，但係我覺得佢今日嘅脆脘片同埋脆脘魚腩真係好好食！ 另外佢自助區都有好多蔬菜同配料，好新鮮🤤
兩個鐘頭嘅火鍋放題真係非常之滿足，但大家都要留肚食甜品，最近除咗佢個Kit-Kat雪條大受歡迎之外，原來仲有Dreyer's嘅情人節限定雪條，一共兩隻款味道唔錯，最鍾意佢粉紅色嗰支，酸酸地好清新😃
＜牛大人＞真係好受香港人歡迎嘅火鍋放題，水準非常之穩定，味道又好，材料新鮮！餐廳定期有啲crossover，絕對真心推介嘅香港火鍋放題🍲
张贴
