影片
更多
2017-09-24
181 浏览
有小朋友之後都好少機會自己同朋友出街食飯，今日難得有機會出嚟就想揀間坐得舒服傾到偈又可以試下新菜式嘅餐廳慢慢食。呢間餐廳裝潢用咗粉紫色做主題，感覺好girlish，枱上放咗小盆栽做裝飾，令人感覺好舒服。雖然係一間素食餐廳，但係菜式設計好頴，唔講都唔知自己食緊素。我地兩個人叫咗一個dinner set，加一個招牌菜黑松露薯蓉焗大啡菇share食，已經飽到不得了！Dinner set 前菜: 四喜烤麩，泰式鮮果沙律再加羅馬蕃茄藜麥伴胡麻醬手卷: 香芒牛油果手卷，手卷配搭入口非常之清新，而且塊紫菜脆卜卜，真係好好食，原本諗住唔夠飽嘅話會再encore多一份手卷，點知...要留番下一次再幫襯先可以再食到🤣湯品: 蟲草花竹笙黃耳蓮子冬瓜燉湯，出咗名係湯王嘅我，只要去到有湯叫嘅地方我都一定會點，呢個湯超足料，一啲味精都無，但係所有食材嘅味道都出晒嚟，而且呢個配搭好健康養身保健主食: 三杯猴頭菇雙薯煲配十穀飯，一上枱香味撲鼻而來，要整到呢個水準真係唔容易，蕃薯薯仔都煎香咗，個汁料濃度十足，送飯一流！仲有甜品同飲品，一個Dinner set真係夠我地兩個女生食到捧住個肚！之但係我地一坐低就見到隔離枱點
呢間餐廳裝潢用咗粉紫色做主題，感覺好girlish，枱上放咗小盆栽做裝飾，令人感覺好舒服。
雖然係一間素食餐廳，但係菜式設計好頴，唔講都唔知自己食緊素。
我地兩個人叫咗一個dinner set，加一個招牌菜黑松露薯蓉焗大啡菇share食，已經飽到不得了！
Dinner set
前菜: 四喜烤麩，泰式鮮果沙律再加羅馬蕃茄藜麥伴胡麻醬
手卷: 香芒牛油果手卷，手卷配搭入口非常之清新，而且塊紫菜脆卜卜，真係好好食，原本諗住唔夠飽嘅話會再encore多一份手卷，點知...要留番下一次再幫襯先可以再食到🤣
湯品: 蟲草花竹笙黃耳蓮子冬瓜燉湯，出咗名係湯王嘅我，只要去到有湯叫嘅地方我都一定會點，呢個湯超足料，一啲味精都無，但係所有食材嘅味道都出晒嚟，而且呢個配搭好健康養身保健
主食: 三杯猴頭菇雙薯煲配十穀飯，一上枱香味撲鼻而來，要整到呢個水準真係唔容易，蕃薯薯仔都煎香咗，個汁料濃度十足，送飯一流！
仲有甜品同飲品，一個Dinner set真係夠我地兩個女生食到捧住個肚！
之但係我地一坐低就見到隔離枱點咗個焗大啡菇，賣相極吸引，又見到係招牌菜，所以都點咗！大啡菇載住啲薯蓉再加層芝士同黑松露喺面先拎去焗，芝士控又點會忍得住口！三件我包辦咗兩件🤣焗過嘅芝士煙煙靱靱豐富咗口感，黑松露嘅香味又豐富咗味蕾，呢道招牌菜真係必叫！
黑松露薯蓉焗大啡菇
$140
16 浏览
0 赞好
0 留言
下次屋企聚會，呢間餐廳一定on list，健康之餘又好食，價錢又affordable!
原本影咗好多食物相，可惜電話壞咗，朋友電話只係得零星照片T_T
张贴
