影片
更多
2024-06-05
29 浏览
上次食完大滾友嘅排骨山火鍋味道唔錯，所以今次再嚟幫襯試吓其他火鍋口味，坐低後見到有新品香滑豆乳濃湯鍋介紹，湯鍋賣相非常吸引，不過今次想食龍躉木瓜魚湯底多啲。估唔到龍躉木瓜魚湯鍋都一樣咁精緻，木瓜上面都擺放左幾朵白色玫瑰花 🌹 而且周圍仲有花瓣做配襯，後尾問侍應先知道原來玫瑰花用豆乳整成，湯底用咗木瓜、豆乳同龍躉片煮成，味道清甜之餘仲有大大塊龍躉片食 😋 真係睇得又食得。大滾友牛肉拼盤（$428 /細）: 可以一次食哂不同牛部位 😋 黃喉食起嚟又脆又爽，而且仲有淡淡嘅牛香味，媽咪超鐘意食，每款肉都會因應不同部位，口感同濃郁程度都有所不同。伊比利亞橡果豬 ($228) : 店員打開蓋後，一陣白色仙氣隨即湧出，非常有儀式感 😍 豚片油脂分佈平均，入口油香滿溢。蟹黃餃同蟹子鮮蝦丸都係朋友介紹叫，估唔到都幾有驚奇，餃子同蝦丸都大大粒，蝦丸爽口又彈牙，蟹黃餃真材實料好多餡。飲品就叫咗餐廳自家製嘅竹蔗茅根，味道清清甜甜。臨走前就食埋呢個木桶豆腐花，店員係豆腐花面上淋上冧酒再用火槍燒，瞬間變成火焰豆腐花，面層嘅糖漿變得脆卜卜，所以豆腐花食起嚟又脆又嫩滑口感幾過癮。
估唔到龍躉木瓜魚湯鍋都一樣咁精緻，木瓜上面都擺放左幾朵白色玫瑰花 🌹 而且周圍仲有花瓣做配襯，後尾問侍應先知道原來玫瑰花用豆乳整成，湯底用咗木瓜、豆乳同龍躉片煮成，味道清甜之餘仲有大大塊龍躉片食 😋 真係睇得又食得。
大滾友牛肉拼盤（$428 /細）: 可以一次食哂不同牛部位 😋 黃喉食起嚟又脆又爽，而且仲有淡淡嘅牛香味，媽咪超鐘意食，每款肉都會因應不同部位，口感同濃郁程度都有所不同。
伊比利亞橡果豬 ($228) : 店員打開蓋後，一陣白色仙氣隨即湧出，非常有儀式感 😍 豚片油脂分佈平均，入口油香滿溢。
蟹黃餃同蟹子鮮蝦丸都係朋友介紹叫，估唔到都幾有驚奇，餃子同蝦丸都大大粒，蝦丸爽口又彈牙，蟹黃餃真材實料好多餡。
飲品就叫咗餐廳自家製嘅竹蔗茅根，味道清清甜甜。
臨走前就食埋呢個木桶豆腐花，店員係豆腐花面上淋上冧酒再用火槍燒，瞬間變成火焰豆腐花，面層嘅糖漿變得脆卜卜，所以豆腐花食起嚟又脆又嫩滑口感幾過癮。
张贴
