三日月

营业中

休息中

叫咗餐廳嘅晚市鐵板燒set二人前，食物份量豐富，食到半途已經有啲飽，而且食材質素非常之高，特別係海鮮嘅部份，龍蝦同鮑魚送上嚟嘅時候仲係識得郁，令人興奮🤣除咗食物嘅賣相，食物製作嘅過程都係一種藝術表演！龍蝦啖啖肉，煎得好香，加上滿滿嘅蝦膏做醬汁，簡直無懈可擊！鮑魚勁大隻又飽滿，師傅對於烹調嘅時間控制得啱啱好，有咬口之餘又唔會太難𡁻，非常高質。炒飯嘅質素亦好高，加入大量配料，令口感好好，飯粒粒粒分別夠乾爽，入口彈牙，非常好味，仲好貼心準備咗高湯做茶漬飯，兩種食法都好好味。除咗食物質素之外，服務質素都好好，添茶好及時，上菜速度亦快，仲會關心一下食客對食物質素的意見，希望餐廳一直能夠保持水準，會推薦俾身邊嘅朋友。