影片
更多
2024-02-18
31 浏览
係海港城同Hello Kitty打卡之後，又到左醫肚嘅時候，行經被餐廳門口嘅巨型鳥籠沙發吸引住，所以就決定入去餐馬來西亞菜啦！我地被安排坐鳥籠沙發座，感覺真係好啱打卡之餘仲坐得好舒服。其實入面嘅裝裝都好有特式，如果坐窗口位仲可以望到維港景色添。不過當時都有好多食客，唔太方便影相。我地一坐低店員哥哥就為我地送上暖暖的荔枝紅茶，香濃嘅荔枝茶，老公話好啱佢口味。我地都叫左兩杯特飲，大少嘅菠蘿熱情果沙冰，菠蘿熱情果沙冰好綿滑，而且酸酸甜甜，飲落好清爽又解渴。我就嚟杯班蘭紅豆冰，椰奶再加埋班蘭個味真係好夾，而且味道又唔會太甜，我自己就非常鐘意。還有 迷你魚醬蝦米春卷 ，脆卜卜嘅蝴蝶結，入面係炒香嘅魚鬆加上微辣嘅魚仔，香口得嚟又醒胃，完全係忍唔住一粒接一粒咁食呀。我地先嚟一客 瑪萊沙嗲豬肉串 ，佢個豬肉厚身得嚟又夠juicy，加埋個沙爹醬一齊食就更加惹味，大少就以行種證明有幾好食，因為佢一個人都食左四串…哈哈哈。黃金軟殼蝦 絕對係有驚喜，蝦肉彈牙之外，重點就係蝦殼炸到脆卜卜，完全係連蝦殼都可以食埋，而且個醬汁又非常多咸蛋黃粒，雖然好邪惡，但又真係忍唔到口密密食。海南雞鑊仔飯 都好特別，鑊仔飯先係用
我地被安排坐鳥籠沙發座，感覺真係好啱打卡之餘仲坐得好舒服。其實入面嘅裝裝都好有特式，如果坐窗口位仲可以望到維港景色添。不過當時都有好多食客，唔太方便影相。
我地一坐低店員哥哥就為我地送上暖暖的荔枝紅茶，香濃嘅荔枝茶，老公話好啱佢口味。
我地都叫左兩杯特飲，大少嘅菠蘿熱情果沙冰，菠蘿熱情果沙冰好綿滑，而且酸酸甜甜，飲落好清爽又解渴。我就嚟杯班蘭紅豆冰，椰奶再加埋班蘭個味真係好夾，而且味道又唔會太甜，我自己就非常鐘意。
還有 迷你魚醬蝦米春卷 ，脆卜卜嘅蝴蝶結，入面係炒香嘅魚鬆加上微辣嘅魚仔，香口得嚟又醒胃，完全係忍唔住一粒接一粒咁食呀。
我地先嚟一客 瑪萊沙嗲豬肉串 ，佢個豬肉厚身得嚟又夠juicy，加埋個沙爹醬一齊食就更加惹味，大少就以行種證明有幾好食，因為佢一個人都食左四串…哈哈哈。
黃金軟殼蝦 絕對係有驚喜，蝦肉彈牙之外，重點就係蝦殼炸到脆卜卜，完全係連蝦殼都可以食埋，而且個醬汁又非常多咸蛋黃粒，雖然好邪惡，但又真係忍唔到口密密食。
海南雞鑊仔飯 都好特別，鑊仔飯先係用蝦乾、芋頭及臘味粒，再連同香茅、班蘭、薑及蒜去蒸，所以一打開個鑊已經聞到惹味。其後店員會為我地即製係鑊仔飯撈埋葱油及醬汁然後，加上鮮嫩無骨海南雞，所以食嘅時間口感真係好豐富，老公都大讚好味。
雖然都已經好飽，但作為班蘭控都一定要點個 班蘭咖椰多士 先叫做完美，厚厚嘅班蘭咖央醬味道唔太甜，入口勁香班蘭味，真心覺得超好食。如果唔係我掛住打卡，加埋脆口多士一齊食就仲正。(所以….食依個多士記得要即上就好食，唔好學我呀)
张贴
