樂意點心

营业中

休息中

估唔到下午茶時間都好多人，於是我同同事叫外賣攞返公司食，就咁睇座位都幾舒服，裝修中西合璧，幾靚！我同同事叫左個絕配套餐，再用優惠價追加兩個點心，另外再叫左個炸兩腸粉，香煎蘿蔔糕、響螺豬骨花旗蔘燉湯同甜品。籠仔蒜蓉海蝦飯-外賣都做到好精緻，個飯朔晒蝦汁同蝦糕，勁香勁惹味，仲有淡淡荷香同蒜蓉味。雲腿雞腳燉花膠-入面除左有花膠雞腳，仲有蟲草花，足料又滋補養顏。越式米網炸兩腸-望落去似係普通腸粉，但咬落去有幾個層次，首先係滑（腸粉），跟住係脆（米網），之後係爽（菜同蝦），驚喜！麥味雞蛋散-大件抵食，鬆化唔硬。