Espresso Alchemy (海港城港威商場)

营业中

休息中

之前放假食得太勁，想搵個地方食清淡啲，經過間餐廳見佢有沙律食，環境又夠舒服，所以就坐低試吓。佢飲品嘅選擇好多，因為好攰呀好熱，所以就叫咗杯iced milk chocolate，欣賞佢唔會太甜。煙三文魚沙律好大份，蔬菜好新鮮，煙三文魚又多，唔會太鹹，而且佢個檸檬醋好為個沙律加分，天時暑熱酸酸地非常開胃。最後又點少得甜品，因為落單嘅時候見到佢個蛋糕好吸引，所以就叫咗件香蕉蛋糕試吓，一件$33，如果買原條就$231。香蕉味好濃郁，蛋糕夠厚實，好飽肚。見到佢Menu仲有生酮蛋糕卷，又係一個減肥女士嘅好選擇。