築間幸福鍋物

台灣過江龍築間幸福鍋物，係台灣一年銷售超過900萬鍋既人氣品牌，首間分店登陸香港，位於港鐵旺角E出口，行3分鐘就到，非常方便。店內環境寬敞，設有醬料吧和野菜區，燈光柔和，坐得舒服。平日午市主餐+自助吧任食90分鐘，低至$159。我哋揀左極奢放題，套餐包括湯底+主食+任食33款蔬菜自助吧+飲料+甜點，食足100分鐘，包括美國板腱牛、美國熟成霜降牛、冷藏手切溫體牛、手切澳洲和牛、澳洲黑毛和牛霜降、冷藏手切松板豬肉、比利黑豬梅花、草原嫩羔羊等等，可以食到咁多靚肉，真心抵食。湯底有達十幾款選擇，一人一鍋，我哋分別揀左韓式辣牛骨湯和鎮店招牌石頭湯，湯底香而濃郁，食材不需要額外點醬汁，都已經好好食。最後甜品我哋食左黑糖白玉奶酪、草莓奶酪、芒果奶酪和焦糖布蕾，為這餐劃上完美句號。