一家

营业中

休息中

行過筲箕灣地鐵站附近呢間叫一家中式菜館，入去叫咗幾個餸，有驚喜喎！雞絲粉皮呢個最先上，清爽青瓜絲、有質感嘅雞絲加滑嘟嘟粉皮，撈埋超香濃芝麻醬，口感夾到絕！係非常惹味開胃嘅前菜。韮菜鍋貼上碟已經好吸引！餃子煎到 pat pat 脆卜卜，裏面餡料豐富仲有肉汁，韭菜味剛剛好，點埋醋汁，真係清晒！濃湯勝瓜煮蟶子呢個真係正，必試！勝瓜好清甜，加埋鮮味嘅蟶子，嫩口又有海鮮味，仲有啲菇添。啖湯好清甜，夏天食好爽口，食完成個人好舒服。極品蜜汁金華火腿叫得「極品」真係冇誇張！鹹香金華火腿夾住清爽青瓜，最正係塊炸腐皮！配埋白色蒸包同蜜汁，一啖咬落去，香甜、鹹香、清爽夾埋，超滿足！棗泥拉糕本來食到好飽，但見到個棗泥糕煙煙韌韌，唔太甜，棗泥味又香濃，竟然每人兩件都食得晒！香水表舅父原來係檸檬特飲！裏面加咗啲會爆開有驚喜嘅爆珠，再加埋新鮮提子，好清爽！丫頭朋友叫咗呢杯番石榴特飲，佢話材料勁豐富，每一啖口感都唔同：有芒果肉、有啲似啫喱嘅嘢，最緊要番石榴味好出，面頭仲有 cream，好香濃！鍾意番石榴嘅一定唔好錯過！