一家

朋友介绍筲箕湾有间上海菜话好好食，咁就放假同佢去试下原来餐厅连续3年拎到米芝莲必比登推介，相信质素一定有保证店内装修带点古色古香，坐位宽敞，仲设有特色梳化卡位，用餐环境舒适，适合一家大细聚餐食物方面:口水鸡 : 口水鸡肉质保持鲜嫩，淋上特制麻辣酱汁、麻酱及老干妈，丰富嘅味道，口感有层次小笼包 : 小笼包即叫即蒸，皮薄馅靓，汤汁丰富，热辣辣食够晒鲜味酸菜鱼片 : 酸菜鱼份量好多，鱼肉肉质滑嫩，入便仲有酸菜豆芽、娃娃菜及宽粉，味道浓郁石锅蟹粉乌米饭 : 米饭用上太极圆形图案，卖相非常吸睛，一边系满满嘅蟹黄蟹膏蟹肉，另一边系口感烟韧嘅乌米饭，味道咸鲜浓郁，令人回味无穷，仲要每日都系限量发售，有机会一定要试枣泥拉糕 : 将红枣蒸烂后去皮去核捣成枣泥，加入其他配料再蒸熟，口感烟韧，满满喱枣泥味道，清甜鲜香香茅柠檬薏米 : 薏米有助利尿去水肿，香茅柠檬清热解腻长气嫲嫲 : 将热情果与茉莉花茶调制而成，再加埋罗勒嘅香味，味道酸甜，口感层次丰富…查看更多

今日黎左筲箕湾试下一间连续3年攞米芝莲嘅餐厅食上开海菜.  试食午餐先, 如果好食之后再食晚餐. 佢地都有LUNCH SET 都经济实惠个价钱.  酸菜鱼（午餐SET）$83跟前菜、例汤、白饭(+$5 转左菜饭), 菜饭好香,  酸菜鱼, 肉质嫩滑,  全无鱼骨, 鱼肉好多,   酸辣度刚好.  配饭一流. 烧汁爆炒牛肉 (午餐SET) $70   好惹味, 镬气够, 牛肉肉嫩爽口  ! 外婆墨鱼烤红烧肉流心蛋  - 本身我自己超钟意食红烧肉,  红烧肉工序多. 屋企好少会煮, 所以出街食饭, 如果有呢款都好大机会会叫. 而且店员话呢个系得奖菜式. 好有惊喜, 红烧肉肥瘦平均, 肉质嫩滑, 炆得入味,红烧酱汁甜美而且仲配有墨鱼好爽嫩惹味，仲跟埋一只流心蛋都好有水准，配白饭一流！七里庄酒糟醉鸡个醉鸡又系要赞！香醇嘅酒糟味, 渗透晒成碟鸡 , 鸡皮爽滑，鸡肉肉嫩软熟,  一款好出色嘅开胃冷盘！花雕酒味香浓，将鸡肉都腌得够入味！高力芒果奶黄有D特别, 系奶黄同埋芒果酱嘅味道而唔系传统红豆.  芒果清新香甜, 配上糖霜,  热辣辣炸蛋白微脆 , 常高质素的, 口感外酥内软 ! 野蛮奶奶其实系红豆冰，用料足有椰奶味特别香浓温文爷爷伯爵茶底清清地.  配椰子芝士云. 无咁腻. 特别一提店员服务都好到位有善. 有任何需要都会尽快帮忙. 一家筲箕湾筲箕湾道393号形荟地下G04号舖…查看更多

筲箕湾「一家」连续3年于米芝莲必比登推介餐厅上榜，主打上海家常菜，以及真材实料的独家手摇饮品，饮品名称更贯切主题以一家人称呼命名，相当有创意。*此餐厅收取全单10%服务费。一家葱油白切鸡（单点$138），表面铺满葱花山，醉鸡汁采用花雕酒、鸡汁、葱油制作，新鲜走地鸡鸡皮口感爽滑，鸡肉肉质鲜嫩，鸡味浓香，配以葱花、醉鸡汁食用，食落带有淡淡酒香，同时，降低鸡油油腻感。蟹粉拌意粉（单点$138），即拆蟹肉份量多，味道鲜甜；蟹膏味道甘香；意粉口感不会过于软腍，食落充满蟹油香味，内有毛豆仁。滕椒豆干丝炒苦瓜（单点$88），苦瓜口感爽脆，食落容易入口，豆干丝口感幼细，配以豆豉、蒜片食用，食落类似豉汁炒凉瓜。麻辣香炸凤尾鱼（单点$78），表面铺有香葱、黑芝麻、白芝麻，凤尾鱼口感酥脆，鱼身裹满蜜糖、麻辣酱汁，会越食越辣。菜肉锅贴（单点$58），鲜肉锅贴，一咬喷汁，猪肉馅料肥瘦适中，配以黑醋食用，味道更佳；菜肉锅贴，皮薄馅多，每只饺子都好饱满，底部煎得金黄香脆，食落类似冰花煎饺。炸芝麻团5粒（单点$49）， 口感外香脆内软糯，芝麻馅料口感流心，味道浓郁，配以白芝麻、黑芝麻食用，食落好香口。丫头（单点$45），采用芒果肉、红肉番石榴、红肉番石榴汁、椰子芝士云、樱桃啫喱、冰块制作，椰子芝士奶盖口感幼滑，味道清甜，樱桃寒天水晶球口感Q弹，整体饮落四重果香味道。香茅柠檬薏米水（单点$34），采用冬瓜、柠檬片、薏米、香茅、冰糖制作，薏米份量多，饮落味道酸甜，略嫌香茅味道欠奉。茶芥（两人$8），四宝茶，自家制，内有红枣、杞子、茶叶，饮落茶味清香。一家地址：香港筲箕湾筲箕湾道393号形荟地下G04号店舖…查看更多

米芝莲上海菜，果然名不虚传！见到秋天有得食蟹皇小菜！即刻狗冲😎点了一个鸡丝粉皮做前菜粉皮QQ的感觉配上麻酱，非常之开胃蟹黄玉带拌锅巴秋天一定要食蟹皇！原粒带子好新鲜，煮熟咗都劲大粒！有料到！加上蟹肉味道非常香浓！蟹肉应该系用人手拆肉！锅巴脆卜卜，够鲜！够脆！够香！是味觉上的冲击！个人比较喜欢佢仲有少少豆苗嘅清新香味！果然是米芝莲食府！将食物认真做，就是好吃！上海小笼包呢度必食嘅上海小笼包！即叫最蒸热辣辣，千万要小心爆出嚟的肉汁辣嘴，皮薄馅靓，师傅将每一粒小笼包都包到一模一样！一家葱油白切鸡用上劲多新鲜葱，将鸡的香味引发出嚟！有少少花雕酒味，令白切鸡的味道更加丰富！每一啖鸡肉都配上大量鲜葱，好而且不会太咸！高力芒果奶黄估唔到奶黄同埋芒果嘅味道有几夹，芒果嘅清新中和咗奶黄嘅’漏‘，配上甜甜的糖霜，和热辣辣的炸蛋白，是非常高质素的甜品！善良姨婆热情果酸酸甜甜，适合夏天饮嘅饮品！野蛮奶奶红豆冰嘅味道，椰奶味特别香浓一致认同，依间店舖真系老中青都杀晒，有茶饮之余，又有废水饮！食物传统得来有新派元素！系用心制作嘅上海小店！…查看更多

今次同朋友食咗筲箕湾连续3年攞米芝莲推荐嘅「一家」，装修带点古色古香，位置又宽敞，坐得舒服冇压力，人员服务都好贴心～我哋今次贪心啲，唔系净系叫饭粉，而系叫咗几款小食同小菜试试：❀ 麻辣香炸凤尾鱼：凤尾鱼炸到好酥脆，食落甜甜地、少少辣，再散发芝麻香，系一个惹味嘅佐酒小食！推荐！❀ 韮菜锅贴：外皮煎到金黄焦香，韭菜与猪肉比例刚刚好，馅料好多汁，韭菜味浓郁❀ 外婆墨鱼烤红烧肉流心蛋：红烧肉经炖煮后，肉质多汁腍滑，墨鱼爽脆惹味，配埋只流心蛋，配白饭一流！❀ 干煸四季豆：四季豆炒至干身，口感焦香爽脆，配合腌制咗嘅肉碎及其他香料，味道香浓惹味❀ 高力芒果奶黄：不是传统的高力豆沙，而是餐厅的特别甜品，里面馅是芒果奶黄酱，很有惊喜，酸酸甜甜，口感外酥内软，糖粉加分饮品方面「霸气大哥」柑桔姜味明显，配埋新鲜果香，值得试；「香茅柠檬薏米水」清新滋味，饮完口留淡淡香茅柠檬味，好舒服。总括嚟讲，支持下小店又有米芝莲背景，价钱合理，食物质素稳定，真系值得一试！…查看更多