影片
更多
2020-06-29
1139 浏览
又黎到一年一度嘅端午節！我最鍾意做節。因為做節代表一家人可以齊齊整整，坐埋一台食飯，最主要都係因為多人可以食多啲好西啦😘男朋友一早同我講咗，今日要同佢屋企人做節，通常都係姑姐包辦一家人食乜，今次竟然話book私房菜，我都好期待，知道一定係好嘢嚟。7:30準時到，喺樓下已經見到佢賣緊廣告，寫住一蚊花膠雞窩，但今次我哋過嚟係食私房菜，呢啲咁抵嘅優惠唯有留返下次啦🙌🏻先來一個炸魚皮，冇影到，因為我冇食🤣佢係即炸攞出嚟㗎！好快俾人清晒。第二就係鱆紅魚刺身，我平時就小食刺身，唔係隻隻都食，唯獨拖羅同埋鱆紅魚我會食。睇落去同埋食落去，浸味係有啲似油甘魚，不過鮮味再出啲！！👍🏻好食。之後個頭同埋尾佢仲有椒鹽左俾我哋食添！之後一人一盅，花膠螺頭燉烏雞。完全燉左烏雞嘅精華出嚟！個湯係啡黑色，可以見到佢用心制作，飲落去入邊浸味完全唔係味精唔係鹽，係真係雞嘅鮮味👍🏻👍🏻👍🏻螺頭同雞唔會老哂👍🏻花膠就冇食，我留返俾男朋友😘黑松露蝦多士，即炸即起，上菜嗰陣仲係燙口。個人覺得稍微油膩咗啲，咬落去有少少油咇咗出嚟。蝦肉彈牙👍🏻咬到中間黑松露味好香。蝦肉可以再多啲，整體有啲薄。不過屋企人都另外叫多一碟🤣豉油王鵝腸，偏
7:30準時到，喺樓下已經見到佢賣緊廣告，寫住一蚊花膠雞窩，但今次我哋過嚟係食私房菜，呢啲咁抵嘅優惠唯有留返下次啦🙌🏻
先來一個炸魚皮，冇影到，因為我冇食🤣佢係即炸攞出嚟㗎！好快俾人清晒。第二就係鱆紅魚刺身，我平時就小食刺身，唔係隻隻都食，唯獨拖羅同埋鱆紅魚我會食。睇落去同埋食落去，浸味係有啲似油甘魚，不過鮮味再出啲！！👍🏻好食。之後個頭同埋尾佢仲有椒鹽左俾我哋食添！
鱆紅魚刺身
40 浏览
0 赞好
0 留言
之後一人一盅，花膠螺頭燉烏雞。完全燉左烏雞嘅精華出嚟！個湯係啡黑色，可以見到佢用心制作，飲落去入邊浸味完全唔係味精唔係鹽，係真係雞嘅鮮味👍🏻👍🏻👍🏻螺頭同雞唔會老哂👍🏻花膠就冇食，我留返俾男朋友😘
花膠燉烏雞
45 浏览
0 赞好
0 留言
黑松露蝦多士，即炸即起，上菜嗰陣仲係燙口。個人覺得稍微油膩咗啲，咬落去有少少油咇咗出嚟。蝦肉彈牙👍🏻咬到中間黑松露味好香。蝦肉可以再多啲，整體有啲薄。不過屋企人都另外叫多一碟🤣
黑松露蝦多士
48 浏览
0 赞好
0 留言
豉油王鵝腸，偏甜味，冇咗鵝腸嗰陣油膩嘅感覺，依然爽口👍🏻不過冇乜特別，可能個人本身唔係咁好鵝腸，食咗一條就夠。
豉油王鵝腸
39 浏览
0 赞好
0 留言
小炒王見佢炒得唔錯👍🏻唔會成碟都係油！呢個好重要呀🤣睇啲韭菜嗰個反光面都知唔係成碟都係油。啲銀魚仔都依然係乾身嘅👍🏻
小炒王
21 浏览
0 赞好
0 留言
客家鹹雞，我食咗四舊五舊左右🤣因為我本身鍾意食雞啦，同埋佢個雞係好滑囉👍🏻真係要讚👍🏻但係覺得沙薑汁可以再多啲，雖然而家食到雞嘅鮮味👍🏻不過食到第四舊覺得可以點下汁👍🏻成條芫荽放落口一流呀😘
客家鹹雞
37 浏览
0 赞好
0 留言
跟住再嚟！我鍾意食嘅咕嚕肉😻咕嚕肉係一門好難整得好食嘅小菜，因為個粉唔可以太厚，你挑選嘅部位又唔可以太肥唔可以太多骨，肉同骨嘅比例要適合，另外太甜又唔好食，甜酸比例又要調校得好。汁又唔可以多個龍，如果唔係好易淋。
呢個咕嚕肉啱啱炸起，一咬落去外脆內軟嘅👍🏻👍🏻要讚，我食咗3，4舊。覺得可以再酸d，可能因為佢係落蜜桃唔係落菠蘿，所以偏甜，但係都夠酸嘅。個人期望佢會有菠蘿囉，因為嗰個口感又會多少少。
蜜桃咕嚕肉
43 浏览
0 赞好
0 留言
蒜蓉蒸頭腩。呢個比較普通。雖然嗰個魚腩都好滑👍🏻整得比出邊嘅茶樓好，出邊茶樓普遍都好油膩，咬落去嗰陣魚油腥味會蓋過真正嘅魚味，呢間都冇得避免，不過少啲。但佢個魚整得滑👍🏻
蒜蓉蒸頭腩
41 浏览
0 赞好
0 留言
其實仲有個臘味糯米飯嘅，不過我冇影到🤣因為已經食飽咗忘記咗🤣同埋過程中我一路幫我男朋友打包，其實有啲餸係冇影到。個糯米飯我食咗少少㗎，佢係好難得有潤腸👍🏻所以成個飯係會更加香，更加有特別嘅味道👍🏻令到我同其他屋企人都不禁想加啲花生落去👍🏻有冬天嗰陣嘅味道😻
最後想讚下個香芋紫米露👍🏻👍🏻👍🏻通常出邊啲人俾你個甜品例如紅豆沙啊、紫米露啊呢啲都會好求其，可能會好甜。但呢個香芋紫米露係完全唔太甜，我食晒成碗👍🏻芋頭又唔會多都搞到好多渣，佢係切開咗細細粒正方形👍🏻椰汁味好香👍🏻食完成碗都唔會好油膩👍🏻
香芋紫米露
25 浏览
0 赞好
0 留言
张贴
