金和潮菜

营业中

休息中

之前經過見環境光猛又大又乾淨，見OpenRice訂座又有優惠，一於試吓。坐低已經見到好多人陸續入嚟講book左枱，咁多人食實係好西啦，食完真係無失望啊🥰啲份量好多，真係好岩一大班人嚟食。而家仲有個優惠好吸引，加$8就有碗韭菜豬紅或鹵水雜錦拼盤喔！薑蔥田雞煲田雞肉質細嫩，田雞炸到香脆可口，但落咗好多調味料，少重口味，搞到好口渴，但極惹味。豉椒炒蜆滿佈鑊氣嘅惹味豉椒汁，蜆肉肥美鮮嫩，無沙喔。💜金銀蒜蒸龍躉片飯（私心推介）龍躉片嫩滑爽彈，又夠厚肉，而且仲有少少龍躉皮，煙煙韌韌好正！撈埋有蒜香嘅荷葉飯食，啖啖肉好滋味。👍🏻鹵水三拼叫左鵝腸，鵝腎同墨魚，呢個差唔多見到每枱都有人點。醃到入晒味，特別鵝腸真係好正，口感爽脆。