今晚终于约佐几个旧同事出街聚聚，去旺角试佐呢间新开嘅潮州菜餐厅。朋友之前同我讲过，话呢间抵食又舒服，座位设计好有气氛，于是我同几个兄弟一于试吓。入到去，环境真系唔错，装修现代又唔失传统feel，仲有个开放式厨房，睇到厨房师傅忙紧，感觉好亲切。。我哋一坐低就叫咗例牌嘅卤水鹅，$138一碟，份量真系惊喜到我！待应放低碟时，我仲忍唔住问咗一句：「呢个系例牌份量？」因为实在太夸张，除咗鹅肉，仲有豆腐同花生，味道卤得入味，鹅皮Q弹，肉质软滑，花生同豆腐吸咗卤水汁，食落去好满足。之后我哋再叫咗一碟椒盐九肚鱼，$138，上面洒满咗炸蒜，香气一出嚟即刻勾起食欲，鱼肉新鲜又脆口，椒盐调味唔太咸，配上蒜香真系一流。。主食方面，我哋点咗砂锅蚝仔粥，$88一窝，热辣辣嘅砂锅一上枱，蒸汽同香气即刻扑鼻，蚝仔新鲜，粥底浓滑，仲有啲芫荽同蒜粒提味，暖胃又唔腻口。食到一半，我同朋友讲，呢间真系抵赞，份量同味道都够晒水准。环境方面，间餐厅有冷气同吊扇，感觉凉快又舒适，枱同椅设计都好有心思，坐低真系放松咗好多。。整体嚟讲，呢间餐厅食物质素同环境都令我地满意。朋友讲得啱，呢间潮州菜真系值得一试。食完之后，我哋仲坐咗一阵吹水，时间过得好快。同埋呢刻我先发现原来餐厅优惠食满$300可以加$8多一碟杂锦拼盘或者韭菜猪红，但系我哋已经太饱，唯有下次同家人一齐再嚟，试吓其他菜式。…查看更多
