影片
更多
2023-11-22
84 浏览
前陣子表姐來香港，帶她又是燒烤又是吃串燒，所以腸胃有點不適感。是日難得早下班就約了好友去尖沙咀食素食清腸胃。.餐廳裝修粉紫粉紫的，感覺很舒服。有種清幽淡雅的感覺。店員服務態度影很好，說話溫柔溫柔的，令人有種好似歸家般的溫馨感。.餐廳餐牌選擇很多，西式中式泰式風格的素都有，可以滿足到大家唔同口味。雖然我就冇特別避開五辛，不過呢度所有嘅素食都係冇五辛嘅，對唔食五辛嘅朋友來說可算是一大福音。.我們首先選擇了一個一人dinner set (羊肚菌黃耳籮蔔燜素腩煲-$268)，再另外加一客泰式鳳梨炒飯（$138）及 焗蓮茸西米布甸（$48），2人一齊分享，份量剛剛好。.Dinner set首先包含有兩款前菜，日式藜麥野菜松子薯球及滷水花菇毛豆百頁豆腐 伴醬燒牛蒡。前者冰爽解膩，後者滷水味香濃，各有千秋。接着而黎嘅係手卷，我地揀選咗🥭香芒牛油果苜蓿芽手卷，裡面有大量嘅苜蓿芽，同多層紫菜，外脆內軟滑，而且好健康。.🥣湯方面，推介大家一試姫松茸竹笙黃耳百合燉湯，清清甜甜，生津滋潤，又夠熱辣辣。.🥢主菜方面羊肚菌黃耳籮蔔燜素腩煲配羽衣甘藍菜飯亦有驚喜，羊肚菌同肉嘅質感幾可亂真，黃耳香香脆脆，蘿蔔則鮮甜無
.
餐廳裝修粉紫粉紫的，感覺很舒服。有種清幽淡雅的感覺。店員服務態度影很好，說話溫柔溫柔的，令人有種好似歸家般的溫馨感。
.
餐廳餐牌選擇很多，西式中式泰式風格的素都有，可以滿足到大家唔同口味。雖然我就冇特別避開五辛，不過呢度所有嘅素食都係冇五辛嘅，對唔食五辛嘅朋友來說可算是一大福音。
.
我們首先選擇了一個一人dinner set (羊肚菌黃耳籮蔔
燜素腩煲-$268)，再另外加一客泰式鳳梨炒飯（$138）及 焗蓮茸西米布甸（$48），2人一齊分享，份量剛剛好。
.
Dinner set首先包含有兩款前菜，日式藜麥野菜松子薯球及滷水花菇毛豆百頁豆腐 伴醬燒牛蒡。前者冰爽解膩，後者滷水味香濃，各有千秋。接着而黎嘅係手卷，我地揀選咗🥭香芒牛油果苜蓿芽手卷，裡面有大量嘅苜蓿芽，同多層紫菜，外脆內軟滑，而且好健康。
.
🥣湯方面，推介大家一試姫松茸竹笙黃耳百合燉湯，清清甜甜，生津滋潤，又夠熱辣辣。
.
🥢主菜方面羊肚菌黃耳籮蔔燜素腩煲配羽衣甘藍菜飯亦有驚喜，羊肚菌同肉嘅質感幾可亂真，黃耳香香脆脆，蘿蔔則鮮甜無渣。而泰式鳳梨炒飯（$138）就比較香口，裏面有大量嘅材料包括有三色椒、素火腿、素肉鬆同新鮮菠蘿等等，鹹鹹地帶少少天然果香，不錯。
.
最後收尾嘅焗蓮茸西米布甸低甜滑溜，奶香濃濃，亦都值得一試🍴。
～～～
雅 ‧悠蔬食
尖沙咀金馬倫道48號中國保險大廈3樓B號舖
张贴
