影片
更多
2020-10-31
524 浏览
相信返灣仔區嘅人都會知道有間餐廳專門賣餃子,由11點零開始就會有人排隊等堂食或者外賣, 呢間餐廳只計餃子嘅種類有差不多10種, 有葷有素, 能夠照顧到不同人仕需要, 而且近年推行輕食文化, 所以份量不多嘅餃子都大行其道, 響眾多嘅餃子店裏面相信唔少人都聽過餃掂今日想食清d 所以就決定去食餃子~~咁呢間餐廳主要提供嘅食物都係同水餃有關嘅, 好似齋湯水餃, 煎水餃同水餃麵, 另外都會有不同嘅小食或者拌麵, 本人之前都食過唔少次, 不過以水準來講都係水餃最到家 呢個係栗米豬肉水餃麵加底, 因為如果冇叫加底份量就會差好遠, 大約少一半, 因為當日較餓嘅關係所以都加一加底頂肚, 價錢就10蚊, 我覺得以分量而言係值得嘅, 不過都因為太多麵嘅關係, 湯會比較快吸乾, 而呢度嘅麵會煮得一般更軟身, 所以唔食快d 就會好似食緊柯仔米線咁一團糊嫁啦, 湯底方面就有帶酸嘅, 所以連醋都可以唔落, 另外餐廳都提供菜脯豆瓣醬, 我試過放湯同另外點黎食, 除非係食煎水餃, 否則放湯效果會更理想, 因為湯底主要都係酸味來提升胃口, 加埋豆瓣醬會多一層次味道水餃麵可以拼6粒水餃, 體積唔係大隻, 但非常結實, 由相
今日想食清d 所以就決定去食餃子~~
咁呢間餐廳主要提供嘅食物都係同水餃有關嘅, 好似齋湯水餃, 煎水餃同水餃麵, 另外都會有不同嘅小食或者拌麵, 本人之前都食過唔少次, 不過以水準來講都係水餃最到家
呢個係栗米豬肉水餃麵加底, 因為如果冇叫加底份量就會差好遠, 大約少一半, 因為當日較餓嘅關係所以都加一加底頂肚, 價錢就10蚊, 我覺得以分量而言係值得嘅, 不過都因為太多麵嘅關係, 湯會比較快吸乾, 而呢度嘅麵會煮得一般更軟身, 所以唔食快d 就會好似食緊柯仔米線咁一團糊嫁啦, 湯底方面就有帶酸嘅, 所以連醋都可以唔落, 另外餐廳都提供菜脯豆瓣醬, 我試過放湯同另外點黎食, 除非係食煎水餃, 否則放湯效果會更理想, 因為湯底主要都係酸味來提升胃口, 加埋豆瓣醬會多一層次味道
水餃麵可以拼6粒水餃, 體積唔係大隻, 但非常結實, 由相度都可以睇到水餃皮係薄到可以透出內裏嘅餡料, 呢度嘅栗米唔係急凍貨, 食得出係以新鮮栗米製成, 因為粒粒都會充滿水份, 加埋豬肉用胡椒粉調味後味道非常平衡, 栗米同豬肉合起來都帶來鮮甜, 係一種就算什麼時候,胃口如何都係可以輕易接受嘅一種淡淡清甜, 我絕對推薦比大家
因為加底關係, 水餃麵就由53蚊加到63蚊, 以一碗麵來講本人覺得比較貴, 但佢地嘅水餃配搭, 用料新鮮同味道算係數一數二出色, 支持
张贴
