影片
更多
2023-12-07
74 浏览
今日一班人去朋友屋企，每人負責買唔同外賣上去，我就揀咗呢間中式餐廳，點咗幾款食物，下午茶時間非常超值，食物又有質素。炸雞髀配鵝油撈公仔麵炸雞髀外脆內嫩就已經非常欣賞。而鵝油撈公仔麵係我第一次食，出奇咁好味，獨有嘅香味，奶白色邪惡又非常吸引，令公仔麵更加惹味（佢嘅公仔麵亦都煮得唔會過腍，讚）燒鵝飯特別欣賞呢間餐廳嘅燒味，燒鵝食落係啖啖肉同有肉汁，肉質唔會鞋口同韌，外皮仍有燒烤香氣，份量又多，超好送飯。燒腩仔配燻蹄瀨粉原本以為燒鵝係最主色，點知燒腩仔同燻蹄都好好食，燒腩仔皮脆，肉又唔會太肥太瘦，一層肉脂一層肉；燻蹄食落又開胃，配埋彈牙瀨粉，大滿足！揚州炒飯就係朋友至愛，佢係咁盛讚話炒得夠乾身又足料，有鑊氣，佢話之前無食過呢間餐廳，而家聽佢講都耐唔耐會踩單車過去食。仲買埋個外賣燒咪優惠
炸雞髀配鵝油撈公仔麵
炸雞髀外脆內嫩就已經非常欣賞。而鵝油撈公仔麵係我第一次食，出奇咁好味，獨有嘅香味，奶白色邪惡又非常吸引，令公仔麵更加惹味（佢嘅公仔麵亦都煮得唔會過腍，讚）
燒鵝飯
特別欣賞呢間餐廳嘅燒味，燒鵝食落係啖啖肉同有肉汁，肉質唔會鞋口同韌，外皮仍有燒烤香氣，份量又多，超好送飯。
燒腩仔配燻蹄瀨粉
原本以為燒鵝係最主色，點知燒腩仔同燻蹄都好好食，燒腩仔皮脆，肉又唔會太肥太瘦，一層肉脂一層肉；燻蹄食落又開胃，配埋彈牙瀨粉，大滿足！
揚州炒飯就係朋友至愛，佢係咁盛讚話炒得夠乾身又足料，有鑊氣，佢話之前無食過呢間餐廳，而家聽佢講都耐唔耐會踩單車過去食。仲買埋個外賣燒咪優惠
张贴
