銀座炎蔵燒肉

营业中

休息中

行開先發現D2 place原來有間日式燒肉過江龍，平日晚飯仍然keep住有人流，坐低就望到和牛雪櫃，一舊舊靚肉放晒出睇😆 Menu有好多款肉選擇，唔想諗就叫咗和牛「極致」6點拼盤，油花好靚，有牛肩、牛柳、肋肉唔同部位，放上鐵網一燒陣陣牛脂香氣真係不得了！咬落去，入口即化，肉汁爆晒出嚟，濃香又唔膩🥰 另外加咗一碟上等牛舌，牛舌一向係我燒肉必食，呢碟厚薄啱啱好，燒一燒外脆內嫩🤩 而再追加嘅和牛肋肉同樣係油花分佈平均，燒嘅時候牛脂慢慢溶出食燒肉點可以唔叫飯😛 例牌叫個紫菜飯，米飯混咗香脆紫菜碎同少少醬油，清新又開胃，完美中和和牛嘅油膩感🤭 將燒好嘅和牛放上飯面，肉汁滲入米飯，啖啖都係幸福整體嚟講肉嘅質素好滿意，想收工時間即刻體驗到地道日式燒肉，係唔錯嘅選擇。