銀座炎蔵燒肉

这间来自日本的过江龙烧肉店，装修布置还原总店的风格，氛围感十足。餐厅主打日式单点烧肉，食材新鲜且高质，除咗食到日本产A4黑毛和牛，仲可以食埋稀有部位，例如和牛内腿肉、和牛芯芯、和牛龟之甲等等。 舞@特盛 $698我哋叫咗呢款包含牛、猪、鸡嘅拼盘，贪佢可以一次过品尝多款肉类。当中的「和牛4点拼盘」包括：和牛上等肋肉—油花分明，肉香浓郁，烧烤后油脂甘香突出；上后腰脊肉—脂肪较少但肉质细致，适合偏好浓郁肉味的客人；和牛鞍下—薄切软嫩，油香适中，口感有弹性；和牛龟之甲—取自大腿赤身部位，产量稀少，油脂分布清爽，口感较扎实。「梦之大地豚三味」包含豚肋肉、豚里肌与豚肩胛，全无猪膻味。其中豚里肌瘦肉比例高，软嫩中带嚼劲，整体质素不错。至于「日本产鸡肉三味」（鸡腿、鸡颈柳、鸡胸），份量充足，风味中规中矩。鱿鱼 $68海鲜选择唔算好多，但呢条鱿鱼真系好抵食，烧至刚熟时口感弹牙，鲜味十足，海鲜控可以一试。石锅和牛牛肉拌饭 $128热辣辣又够澎湃嘅韩式饭，配料包括和牛粒、菠菜、腌菜甫、牛蒡、芽菜及生鸡蛋，拌匀后口感层次丰富。底层带微焦饭焦，份量足够二人分享，性价比高。埋单一千都唔驶，庆祝约会黎呢间最啱。…查看更多

同朋友一齐喺荔枝角呢个商场，嚟咗呢间日式烧肉店谂住食烧肉晚餐🤣$38「枝豆」：「枝豆」只要够新鲜简单加啲盐就会几好食😋$48「清酒（大岭）果冻蕃茄」：蕃茄去咗皮味道非常清淡，食落感觉好健康，仲有啲有少少甜嘅透明果冻可以食🤣$68「北海道熟荣螺」：螺应该系简单灼熟咗，螺肉肉质爽滑，简单沾酱油同埋芥末，几好食😋$698 舞◎特盛（2-3人前、スタンダード）MAI・和牛4点盛り Assorted 4 Kinds of Wagyu 和牛4点拼盘・豚の盛合せ Hokkaido Pork Platter 梦之大地豚三味・鶏の盛合せ Japanese Chicken Platter 日本产鶏肉三味和牛4点 包括「和牛友三角、和牛上等肋肉、上后腰脊肉、和牛龟之甲」，厚薄同埋脂肪含量各有不同，全部都好牛味🤣梦之大地豚：都系有不同部位，都系厚薄不同，全部都几甘香，够猪味🐷🤣日本产鶏肉：三种不同部位嘅鸡肉有不同口感，基本都软熟，好鸡味🤣$68「虾」：有两只好大只嘅虾，够新鲜，肉质鲜甜又爽滑🤣…查看更多

今日同朋友去咗荔枝角D2 Place附近嘅「银座炎蔵烧肉」试吓佢哋嘅烧肉定食！餐厅环境几舒服，日式木系装修，座位宽敞，几适合同朋友慢慢食、倾吓计。我哋试咗三款定食，每款都跟沙律、汤、白饭同前菜，整体质素唔错！和牛极致定食（推荐！）和牛油脂分布均匀，烧到五成熟左右，入口即化！肉味浓郁得嚟又唔会太腻，蘸少少餐厅特制嘅酱汁或者盐已经好正。定食份量适中，女仔食可能刚好，男仔就可能要加饭（但白饭可以免费追加！）。配菜嘅沙律清新，可以平衡返烧肉嘅油腻感。梦之大地豚肉盛合定食豚肉盛合有几款唔同部位，包括豚腩片、豚肩肉同豚颈肉。个人最钟意豚颈肉，爽口有嚼劲，烧香之后油脂味好出！豚腩片肥瘦适中，烧到脆脆哋边最好食。呢款定食性价比高，豚肉控可以试吓。极尚牛舌温泉丼定食牛舌厚度切得刚好，烧完之后保持到爽嫩口感，唔会韧！温泉蛋捞饭再加埋烧香咗嘅牛舌，蛋浆包裹住每粒饭同牛舌，入口超满足。如果钟意食浓味啲，可以加少少七味粉或者葱花，味道层次更丰富。整体评价－服务：店员态度友善，会主动换烧烤网，上菜速度合理 －环境：干净企理，抽风系统不错，食完唔会成身油烟味 －价钱：中上价位，但质素对得住价格（定食约$150-$300） －回头指数：★★★★☆（4/5星） …查看更多

藏身长沙湾D2 Place的「银座炎蔵烧肉」，宛如工业区中的精致绿洲。掀开和风布帘而入，深木色调与静谧光影营造出低调奢华的日式氛围，隔绝了外界的喧嚣。「极致」和牛6点拼盘，严选六款顶级部位：浓郁紧实的「和牛芯芯」，肉质紧实却不失细嫩，独特的纤维感在火熖轻吻后，散发深邃浓郁的肉香。天鹅绒般柔嫩的「和牛友三角」，几乎入口即化，油脂甘甜在舌尖温柔漫开。油花如霜「和牛羽下」，肩胛部位的精华，只需短促炙烤，丰腴脂香瞬间迸发，肉汁饱满欲滴。纹理如艺术的「和牛龟之甲」，其名如形，油花分布堪称艺术。口感在弹牙与柔嫩间取得绝妙平衡。经典软嫩的「和牛上等肋肉」。佐以岩盐或秘制酱汁，纯粹肉香已令人沉醉。日本产豚三味：厚切豚腩肥瘦相间，烤至金黄焦脆，脂香丰盈；梅花肉柔嫩多汁；赤身肉则肉味醇厚。三味交织，滋味无穷。月见紫菜饭（配兰王蛋）：划破浓郁如熔金的兰王蛋黄，蛋液溢于热饭与烤海苔。裹上刚烤好的和牛，蛋香、肉汁、米饭甘甜交融升华，是绝配亮点。炎蔵沙律：以新鲜蔬菜与开胃酱汁，适时洗涤味蕾。从严选顶级食材、宽敞静谧的日式空间、到讲究的器皿细节，处处体现「精致」真谛。这不只是一餐烧肉，更是该处一块饮食文化的绿洲。…查看更多

上个月去到日本旅行，由于老婆食嘢偏向少食红肉，而和牛一类油脂咁重嘅就更加唔啱，所以，一餐日式烧肉都无试。而日式烧肉都好一阵子无食过，揾番好此道嘅亲友聚一聚兼食番餐。今夜，就嚟到「D2 Place One」嘅「银座炎藏烧肉」探店，佢喺东京银座嘅过江龙，主打日本和牛同多处罕有部位，值得一访。一室传统日式嘅木系环境，配以柔和灯光，感觉几舒服，我哋被安排坐晌卡位，感觉宁舍阔落，最钟意喺挨背加高咗个屏风，令前后嘅骚扰度大大减低。此外，近门口有个冻柜，放满唔同部位嘅和牛，望上去蛮吸引。餐具、纸巾、简单嘅调味早已放好晌枱上，玄米茶亦由侍应缓缓送上，下单可用枱旁嘅二维码。而烤炉抽风采用下抽式，且够强力，所以，食完成晚都唔会一身油烟味，赞。讲到食物选择，单喺用嚟烤肉用嘅黑毛和牛就已经非常之多，有啲更喺稀少部位，睇图都令人留晒口水。当然，食烤肉就仲有豚肉、鸡肉、海鲜、野菜……等等供应啦。此外，食事、一品料理、饮品、酒类及2、3、4人套餐，都一应俱全。不过，扫二维码进入点餐版面，会发现选择仲会多啲。菠萝乳酸梳打、草莓番石榴乳酸梳打 $42食烤肉咁热焫焫，梗喺要饮冻饮啦，所以，我哋同样拣嚟冰冻嘅梳打边食边饮。小弟向来甚好菠萝，加埋乳酸，甜酸爽集于一身，衬烤肉真喺非常夹；而亲友杯草莓番石榴乳酸梳打卖相靓仔，味道清新酸爽，配烤肉真喺无得输。炎藏和牛「极致」4点拼盘 $398啲和牛有多款拼盘，拣拼盘当然比散点划算，我哋就点咗一份4点盛，唔使担心唔知自己食咗乜，每款肉都有个牌仔介绍，包括：和牛上等肋肉、和牛肋肉、和牛龟之甲同和牛鞍下，睇到个卖相同啲和牛嘅色泽，已叫人心动。和牛上等肋肉有个「上等」二字，信佢喺好嘢嚟，试试佢先。睇上去油花好靓，加上厚切，烧到微焦，入口既有肉味，又有脂香，肉质细腻且极富肉汁，不失上等之名。和牛肋肉呢一款裁出嚟更厚身，外型就好似平常食韩烧嘅牛肋肉咁，但就切成一件件，而且，仲鎅晒花。比起和牛上等肋肉，呢个肉味更浓，口感软腍有嚼劲，沾点盐，肉味更突出。龟之甲好特别嘅名，唔止第一次食，个名都喺第一次听，原来喺大腿一个位置。裁成薄切，轻轻焫一焫两面就食得，油脂无咁重，肉质细致嫩滑，油香跟肉香都较平衡。和牛鞍下又喺一个未听过嘅部位，但卖相真喺吸晴，薄薄嘅一大片，油花如大理石纹般，称为霜降更有意境。入口油香澎湃咁晌口腔涌流，甚有入口即化嘅感觉，沾上烧肉汁真喺一流。海鲜三味 $188食完4款和牛，可谓各有亮点，每款都好精彩。跟住落嚟，就唔少得试试海鲜，选呢款「海鲜三味」就最好，一份海鲜试晒帆立贝、虎虾同大鱿筒，睇见色泽闪𫞠𫞠就知新鲜货，童叟无欺。帆立贝雪白嘅帆立贝喺连壳成只摆晌炉上烧，烧至收收哋水就差唔多，入口口感鲜嫩，甚具弹牙感，此外，味道鲜甜带点点海水咸鲜味，绝对食得出喺新鲜靓货。虎虾超级大只，真喺有成只手掌咁大，烧至转色，再焫一焫背脊厚肉位就食得，因为背脊位已鎅开，食用方便。咬落肉质爽口，甚富虾嘅鲜甜味，虾头仲带有少少丰腴嘅虾膏。大鱿筒大大只鱿筒已经剪成一圈圈，烧到焦黄，沾上烧烤酱汁再烘一烘，更加惹味，而食落柔韧有咬口，却唔会好似轫到擦子胶咁，同样好食。蔬菜拼盘 $68食咁多肉，唔食番多少少菜平衡吓好有罪恶感，一份蔬菜拼盘有齐多款蔬菜就最好喇。啲蔬菜烧过之后，跟平时灼菜、烚菜风味唔同，又跟炒菜唔一样，有少少焦香味，而且，收咗水，粟米、南瓜更甜，菇菌更香。石锅拌饭 $88净喺烤肉、烧海鲜，怕唔够饱，所以，嗌一客食事，简简单单叫咗石锅拌饭，嚟到滚热焫，饭面铺满唔同嘅蔬菜，够营养又健康，仲加只日本蛋，将所有食材捞匀，食味一流，饭底仲有少少脆口嘅饭焦。日本产柚子雪糕 $28、季节限家软雪糕（芒果、苹果味） $38最后，追加两客甜点作结。小弟觉得柚子雪糕比较有啲似雪葩，但估唔到，咪睇佢白潺潺，好香柚子味；而另一款软雪糕好软滑，淡雅嘅芒果同苹果味，食落唔错，仲洒上少少脆筒碎，添几分脆口感。总结而言，呢度唔单环境舒服、雅致，招呼好到位，侍应亦有礼，而食材喺极具质素，尤其主打和牛，牛肉控嘅朋友值得嚟一嚟。午市会供应一啲和牛烧肉套餐，相信性价比更高。…查看更多