銀座炎蔵燒肉

同朋友一齊喺荔枝角呢個商場，嚟咗呢間日式燒肉店諗住食燒肉晚餐🤣$38「枝豆」：「枝豆」只要夠新鮮簡單加啲鹽就會幾好食😋$48「清酒（大嶺）果凍蕃茄」：蕃茄去咗皮味道非常清淡，食落感覺好健康，仲有啲有少少甜嘅透明果凍可以食🤣$68「北海道熟榮螺」：螺應該係簡單灼熟咗，螺肉肉質爽滑，簡單沾醬油同埋芥末，幾好食😋$698 舞◎特盛（2-3人前、スタンダード）MAI・和牛4点盛り Assorted 4 Kinds of Wagyu 和牛4點拼盤・豚の盛合せ Hokkaido Pork Platter 夢之大地豚三味・鶏の盛合せ Japanese Chicken Platter 日本産鶏肉三味和牛4點 包括「和牛友三角、和牛上等肋肉、上後腰脊肉、和牛龜之甲」，厚薄同埋脂肪含量各有不同，全部都好牛味🤣夢之大地豚：都係有不同部位，都係厚薄不同，全部都幾甘香，夠豬味🐷🤣日本産鶏肉：三種不同部位嘅雞肉有不同口感，基本都軟熟，好雞味🤣$68「蝦」：有兩隻好大隻嘅蝦，夠新鮮，肉質鮮甜又爽滑🤣…查看更多

今日同朋友去咗荔枝角D2 Place附近嘅「銀座炎蔵燒肉」試吓佢哋嘅燒肉定食！餐廳環境幾舒服，日式木系裝修，座位寬敞，幾適合同朋友慢慢食、傾吓計。我哋試咗三款定食，每款都跟沙律、湯、白飯同前菜，整體質素唔錯！和牛極致定食（推薦！）和牛油脂分布均勻，燒到五成熟左右，入口即化！肉味濃郁得嚟又唔會太膩，蘸少少餐廳特製嘅醬汁或者鹽已經好正。定食份量適中，女仔食可能剛好，男仔就可能要加飯（但白飯可以免費追加！）。配菜嘅沙律清新，可以平衡返燒肉嘅油膩感。夢之大地豚肉盛合定食豚肉盛合有幾款唔同部位，包括豚腩片、豚肩肉同豚頸肉。個人最鍾意豚頸肉，爽口有嚼勁，燒香之後油脂味好出！豚腩片肥瘦適中，燒到脆脆哋邊最好食。呢款定食性價比高，豚肉控可以試吓。極尚牛舌溫泉丼定食牛舌厚度切得剛好，燒完之後保持到爽嫩口感，唔會韌！溫泉蛋撈飯再加埋燒香咗嘅牛舌，蛋漿包裹住每粒飯同牛舌，入口超滿足。如果鍾意食濃味啲，可以加少少七味粉或者蔥花，味道層次更豐富。整體評價－服務：店員態度友善，會主動換燒烤網，上菜速度合理 －環境：乾淨企理，抽風系統不錯，食完唔會成身油煙味 －價錢：中上價位，但質素對得住價格（定食約$150-$300） －回頭指數：★★★★☆（4/5星） …查看更多

藏身長沙灣D2 Place的「銀座炎蔵燒肉」，宛如工業區中的精緻綠洲。掀開和風布簾而入，深木色調與靜謐光影營造出低調奢華的日式氛圍，隔絕了外界的喧囂。「極致」和牛6點拼盤，嚴選六款頂級部位：濃郁緊實的「和牛芯芯」，肉質緊實卻不失細嫩，獨特的纖維感在火熖輕吻後，散發深邃濃郁的肉香。天鵝絨般柔嫩的「和牛友三角」，幾乎入口即化，油脂甘甜在舌尖溫柔漫開。油花如霜「和牛羽下」，肩胛部位的精華，只需短促炙烤，豐腴脂香瞬間迸發，肉汁飽滿欲滴。紋理如藝術的「和牛龜之甲」，其名如形，油花分佈堪稱藝術。口感在彈牙與柔嫩間取得絕妙平衡。經典軟嫩的「和牛上等肋肉」。佐以岩鹽或秘製醬汁，純粹肉香已令人沉醉。日本產豚三味：厚切豚腩肥瘦相間，烤至金黃焦脆，脂香豐盈；梅花肉柔嫩多汁；赤身肉則肉味醇厚。三味交織，滋味無窮。月見紫菜飯（配蘭王蛋）：劃破濃郁如熔金的蘭王蛋黃，蛋液溢於熱飯與烤海苔。裹上剛烤好的和牛，蛋香、肉汁、米飯甘甜交融昇華，是絕配亮點。炎蔵沙律：以新鮮蔬菜與開胃醬汁，適時洗滌味蕾。從嚴選頂級食材、寬敞靜謐的日式空間、到講究的器皿細節，處處體現「精緻」真諦。這不只是一餐燒肉，更是該處一塊飲食文化的綠洲。…查看更多

上個月去到日本旅行，由於老婆食嘢偏向少食紅肉，而和牛一類油脂咁重嘅就更加唔啱，所以，一餐日式燒肉都無試。而日式燒肉都好一陣子無食過，搵番好此道嘅親友聚一聚兼食番餐。今夜，就嚟到「D2 Place One」嘅「銀座炎藏燒肉」探店，佢喺東京銀座嘅過江龍，主打日本和牛同多處罕有部位，值得一訪。一室傳統日式嘅木系環境，配以柔和燈光，感覺幾舒服，我哋被安排坐晌卡位，感覺寧舍闊落，最鍾意喺挨背加高咗個屏風，令前後嘅騷擾度大大減低。此外，近門口有個凍櫃，放滿唔同部位嘅和牛，望上去蠻吸引。餐具、紙巾、簡單嘅調味早已放好晌枱上，玄米茶亦由侍應緩緩送上，下單可用枱旁嘅二維碼。而烤爐抽風採用下抽式，且夠強力，所以，食完成晚都唔會一身油煙味，讚。講到食物選擇，單喺用嚟烤肉用嘅黑毛和牛就已經非常之多，有啲更喺稀少部位，睇圖都令人留晒口水。當然，食烤肉就仲有豚肉、雞肉、海鮮、野菜……等等供應啦。此外，食事、一品料理、飲品、酒類及2、3、4人套餐，都一應俱全。不過，掃二維碼進入點餐版面，會發現選擇仲會多啲。菠蘿乳酸梳打、草莓番石榴乳酸梳打 $42食烤肉咁熱焫焫，梗喺要飲凍飲啦，所以，我哋同樣揀嚟冰凍嘅梳打邊食邊飲。小弟向來甚好菠蘿，加埋乳酸，甜酸爽集於一身，襯烤肉真喺非常夾；而親友杯草莓番石榴乳酸梳打賣相靚仔，味道清新酸爽，配烤肉真喺無得輸。炎藏和牛「極致」4點拼盤 $398啲和牛有多款拼盤，揀拼盤當然比散點划算，我哋就點咗一份4點盛，唔使擔心唔知自己食咗乜，每款肉都有個牌仔介紹，包括：和牛上等肋肉、和牛肋肉、和牛龜之甲同和牛鞍下，睇到個賣相同啲和牛嘅色澤，已叫人心動。和牛上等肋肉有個「上等」二字，信佢喺好嘢嚟，試試佢先。睇上去油花好靚，加上厚切，燒到微焦，入口既有肉味，又有脂香，肉質細膩且極富肉汁，不失上等之名。和牛肋肉呢一款裁出嚟更厚身，外型就好似平常食韓燒嘅牛肋肉咁，但就切成一件件，而且，仲鎅晒花。比起和牛上等肋肉，呢個肉味更濃，口感軟腍有嚼勁，沾點鹽，肉味更突出。龜之甲好特別嘅名，唔止第一次食，個名都喺第一次聽，原來喺大腿一個位置。裁成薄切，輕輕焫一焫兩面就食得，油脂無咁重，肉質細緻嫩滑，油香跟肉香都較平衡。和牛鞍下又喺一個未聽過嘅部位，但賣相真喺吸晴，薄薄嘅一大片，油花如大理石紋般，稱為霜降更有意境。入口油香澎湃咁晌口腔湧流，甚有入口即化嘅感覺，沾上燒肉汁真喺一流。海鮮三味 $188食完4款和牛，可謂各有亮點，每款都好精彩。跟住落嚟，就唔少得試試海鮮，選呢款「海鮮三味」就最好，一份海鮮試晒帆立貝、虎蝦同大魷筒，睇見色澤閃爧爧就知新鮮貨，童叟無欺。帆立貝雪白嘅帆立貝喺連殼成隻擺晌爐上燒，燒至收收哋水就差唔多，入口口感鮮嫩，甚具彈牙感，此外，味道鮮甜帶點點海水鹹鮮味，絕對食得出喺新鮮靚貨。虎蝦超級大隻，真喺有成隻手掌咁大，燒至轉色，再焫一焫背脊厚肉位就食得，因為背脊位已鎅開，食用方便。咬落肉質爽口，甚富蝦嘅鮮甜味，蝦頭仲帶有少少豐腴嘅蝦膏。大魷筒大大隻魷筒已經剪成一圈圈，燒到焦黃，沾上燒烤醬汁再烘一烘，更加惹味，而食落柔韌有咬口，卻唔會好似軔到擦子膠咁，同樣好食。蔬菜拼盤 $68食咁多肉，唔食番多少少菜平衡吓好有罪惡感，一份蔬菜拼盤有齊多款蔬菜就最好喇。啲蔬菜燒過之後，跟平時灼菜、烚菜風味唔同，又跟炒菜唔一樣，有少少焦香味，而且，收咗水，粟米、南瓜更甜，菇菌更香。石鍋拌飯 $88淨喺烤肉、燒海鮮，怕唔夠飽，所以，嗌一客食事，簡簡單單叫咗石鍋拌飯，嚟到滾熱焫，飯面鋪滿唔同嘅蔬菜，夠營養又健康，仲加隻日本蛋，將所有食材撈勻，食味一流，飯底仲有少少脆口嘅飯焦。日本產柚子雪糕 $28、季節限家軟雪糕（芒果、蘋果味） $38最後，追加兩客甜點作結。小弟覺得柚子雪糕比較有啲似雪葩，但估唔到，咪睇佢白潺潺，好香柚子味；而另一款軟雪糕好軟滑，淡雅嘅芒果同蘋果味，食落唔錯，仲灑上少少脆筒碎，添幾分脆口感。總結而言，呢度唔單環境舒服、雅致，招呼好到位，侍應亦有禮，而食材喺極具質素，尤其主打和牛，牛肉控嘅朋友值得嚟一嚟。午市會供應一啲和牛燒肉套餐，相信性價比更高。…查看更多

東京銀座人氣燒肉店登陸香港！🇯🇵 店家主打日本和牛與稀有部位，入口處設有透明雪櫃展示各款和牛，清晰可見，值得專程到訪。店內採用傳統日式木系裝修，搭配柔和燈光，營造舒適氛圍。座位寬敞，卡座以屏風分隔，保留私隱度，很適合與朋友悠閒聚餐聊天👏✨【主角登場】「極致」和牛六點拼盤$588每款肉品均附介紹牌，嚴選六款頂級部位：🥩 和牛上等肋肉霜降油花細緻，入口即化，脂香豐盈🥩和牛友三角天鵝絨般柔滑，甘甜油脂在舌尖融化🥩和牛貝身稀有肩胛芯，軟嫩中帶彈牙口感🥩和牛龜之甲油花如龜甲紋理，彈嫩平衡恰到好處🥩和牛芯芯肉質緊實濃郁，展現牛肉深邃原味🥩和牛內肉腿精瘦結實，嚼感十足，風味純粹【海鮮・野菜】「海鮮三味」$188🦐包含帆立貝、虎蝦、大魷筒，色澤新鮮亮麗「蔬菜拼盤」$68🥬燒烤後焦香誘人，粟米南瓜更顯清甜，菇菌香氣突出【主食】「石鍋拌飯」$88🍚熱騰騰上桌，鋪滿新鮮蔬菜，拌勻後風味絕佳，底部還有香脆飯焦#香港美食 #D2Place #銀座過江龍 #日本和牛 #罕有部位 #和牛拼盤 #日式燒肉 #美食分享 #食在香港 #和牛控 #食肉獸筆記…查看更多

Missing so much our Tokyo yakiniku experience, we visited this place in D2 place. The brand originates from Ginza and its third branch is now open in Lai Chi Kok! With highly authentically Japanese decors, interiors and tabletop grills, we spent a very nice yakiniku hour here. Our picks were two Japanese wagyu grill sets, featuring a variety of special cuts. There were small labels telling you which parts you'd be grilling. All parts were cleanly cut and presented in sophistication. Lunchtime diners enjoy a complimentary set of salad, kimchi, soup and rice, upon each order of meat. My personal favorite was the "羽下" and "貝身" cuts combo. On top of wagyu beef, we topped up with a plate of pork and chicken thigh. To make them even tastier, leave them barbecue for longer, so the fat melts and allow time for the meat to perfectly crisp up!…查看更多

銀座炎蔵燒肉 (荔枝角) 📍荔枝角長義街9號D2 Place ONE 3樓302號舖銀座炎蔵燒肉是人氣最高的日本和牛烤肉店，選用日本高級和牛，從中挑出最精選部位，而香港荔枝角更是香港首發店，選址D2 Place One 3 樓，是一間日本人認可的烤肉店。掀起窗簾、木色主調和風卡位雅座，映入眼簾。銀座炎蔵二人前：前菜：白菜辛奇：爽脆可口。集辣、酸、咸、鮮于一體。剛做好的辛奇辛辣鮮美，隨著發酵時間推移，酸味會逐漸凸顯，特有的發酵香氣，好開胃。炎蔵沙律：海葡萄綠色晶瑩的小球，咬下去時類似魚子醬的爆裂口感，是綠色魚子醬，口感清脆獨特。加入柚子醋和大量新鮮沙律🥗，新鮮爽脆，仲有日本魷魚絲增加口感，整體酸酸甜甜。上等牛舌：牛舌本身肉味濃郁，帶有獨特的香氣。通過醃制或搭配不同的蘸料，可以呈現出多層次的風味。肉質最厚實，口感最佳，口感飽滿，外焦里嫩，肉汁豐富。炎蔵和牛四點盛：和牛芯芯：牛後腿肌肉里的一塊寶藏肉，油花分布較少的紅色瘦肉 ，肉質極嫩，有夢幻赤身之稱，肉味濃郁 ，口感柔嫩多汁 ，脂香清爽，採用快速翻面炙烤的方法，避免長時間接觸烤盤導致肉質變硬，以保留其柔嫩多汁的口感 。和牛貝身：是非常特別且數量稀少的部位，因其切面形狀類似貝殼而得名。它主要位於牛腹部與菲力之間，或者和尚頭心的內側，中腹最接近腰脊的位置。油脂含量適中且分布均勻，有漂亮的霜降紋理，肉質細嫩香軟，肉汁豐盈，肉味濃郁甘甜，油花細緻不膩口。和牛笹身：是和牛一個非常特別且數量稀少的部位，因其切面形狀類似細長的竹葉，主要位於腹部與菲力之間，或指中腹最接近腰脊的稀有部位，油脂含量適中且分布均勻，有漂亮的霜降紋理，肉質細嫩香軟，肉汁豐盈，肉味濃郁甘甜，油花細緻不膩口。和牛鞍下：是和牛肩胛部一個非常受歡迎的部位，肉質柔軟且風味濃郁。牛只的肩胛部位，與翼板上下銜接並位於翼板之下，油花適中，肉質較有彈性，是由多塊不同紋理的肌肉所組成，因此口感豐富，口感風味 肉香濃郁，口感軟嫩適中，油花豐富且較不膩口。虎蝦：虎蝦本身肉質飽滿，富含氨基酸和甘味物質。經過恰當的烤制，這些鮮味物質會被牢牢鎖在肉里，入口後首先感受到的是濃郁、純正的海鮮甜味。這種甜味非常自然，是高品質虎蝦的標誌。高溫使蝦殼和蝦肉表面的蛋白質和糖分發生美拉德反應，產生獨特的焦香和堅果香氣。 和牛咖喱飯：極致的醇厚口感：和牛豐富的脂肪（霜降） 在慢燉過程中會逐漸融化到咖喱汁中，使咖喱變得異常絲滑、濃郁，每一滴湯汁都包裹著豐腴的肉香。和牛塊即使經過長時間燉煮，內部依然能保持柔軟酥爛，入口即化，而不會像普通牛肉那樣容易變柴。咀嚼時，牛肉的香氣和油脂的甘甜會充分釋放。西柚雪葩：清爽解膩、酸甜宜人的風味特點，常在正餐之後作為完美的收尾。西柚獨特的酸甜中帶有一絲清苦的複雜風味完美呈現的傑作。適量的糖分平衡了酸味，使整體風味變得柔和。絲毫不膩，高級感十足。海鹽雪芭：海鹽的微咸來襯托並提升甜味的層次，帶來一種醇厚而不膩口的清爽感受。這種咸甜交織的風味，尤其適合在正餐之後用來清新味蕾。總結：稀有部位高質和牛套餐二人前性價比高…查看更多

好耐無食過燒肉🔥 最近去荔枝角行下啲市集 發現系D2 Place入面 有一間日式燒肉「銀座炎蔵燒肉 」🇯🇵🥩北海道熟榮螺 $68肉質Q彈有嚼勁 柔軟同爽脆之間🐚 極佳既口感體驗炎蔵和牛「極致」4點拼盤 $398有四款吾同部位既和牛🐮 包括非常珍貴 極致稀有性既「和牛龜之甲」; 數量稀少 口感極致既「和牛芯芝芯」; 隱藏系牛后腿附近既寶藏肉「和牛友三角」同牛背部中後段既優質位置既「上後腰脊肉」🥩和牛西冷薄切大判燒 $238食起來肉質極其柔嫩 幾乎吾需要咀嚼 而且和牛豐腴既油脂會系口中融化😌和牛貝身 $188取自牛里肌前端 形狀像貝殼肉既頂級日本和牛🥩 肉質鮮紅 肉質纖維非常細膩😋清酒果凍帆立貝 $38 / 隻帆立貝肥厚 柔嫩 鮮甜 加上用清酒製成既果凍 提升帆立貝既風味🧊 魷魚 $68煙燻焦香 口感Q彈有嚼勁🦑 香氣非常濃郁靜岡冷麵 $78麵條非常掛湯 隨附既青瓜同泡菜 令風味變得更加清爽同有層次🍜月見紫菜飯 (配蘭王蛋) $48鋪上高級生蛋黃既紫菜拌飯🍚 極簡既美味飲品方面 我地嗌左「白桃乳酸梳打」同「朝日生啤沛酒」🍹🍺 另外仲嗌左「日本產柚子雪糕」🍧…查看更多

早排同朋友去荔枝角D2 Place嘅「銀座炎藏燒肉」，卡位好舒服，食物質素試完真係想即刻再去！ 重點必叫佢個炎藏和牛「極致」6點拼盤$588，完全夠2個人食到飽！和牛肋肉厚身重牛味，有咬口；冇得散叫嘅橫隔膜厚肉又彈牙，咬落好有口感；和牛芯芯薄身，燒幾秒好嫩滑；和牛腋下薄身得黎超有牛味，燒幾秒保持粉紅色，唔駛點調味都好正；和牛友三角，厚切有牛味；和牛羽下，軟腍到入口帶住重油香，每款都好有特色，牛味超濃郁！ 另外叫咗厚切上等牛舌芯 $138，厚身有咬口，重牛舌香；清酒煮大蜆 $88 重酒香，蜆肉大隻飽滿鮮甜，連汁都想飲埋！飲品揀咗白桃同巨峰提子乳酸梳打各$42，清新解膩，配燒肉一流～ 仲有佢個柚子胡椒同昆布鹽，點燒肉超夾！鐘意和牛同燒肉嘅朋友快啲嚟！評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺 銀座炎蔵燒肉荔枝角長義街9號D2 Place ONE 3樓302號舖📍港鐵荔枝角站D出口1分鐘路程#healingbobo #foodie #hkfoodie #foodiehk #香港 #美食 #香港美食 #D2Place #荔枝角 #LaiChiKok #吃貨日記 #打卡美食 #燒肉 #Yakiniku #GinzaEnzoYakiniku #銀座炎蔵燒肉…查看更多

銀座炎藏燒肉位於荔枝角D2 Place One入面，餐廳裝修雅致，燈光柔和，座位闊落，好適合一班朋友傾偈聚會。和牛極致定食（3種）呢個和牛極致定食有3種唔同既和牛，可以一次試曬3種唔同口感既日本產A4黑毛和牛。和牛油脂比較豐富，一邊燒，一邊出油脂，燒得好香好好味。和牛肉味濃，有口感。個餐仲配埋漬物、沙律湯同白飯，好夠飽。追加左個上等牛舌，好彈牙好香牛肉味。和牛咖喱吉列豬扒飯定食呢個定食都配沙律、湯同埋漬物，豐富抵食。和牛嫩滑，份量都唔少。吉利豬扒新鮮炸既，上枱時仲熱辣辣，炸得好脆。個咖喱味道幾好，配埋飯食岩岩好。飲品方面，要咗可樂同埋巨峰提子乳酸梳打，好飲。…查看更多

尋日去咗荔枝角D2 Place ONE三樓嘅呢間銀座炎蔵燒肉食晏，試咗佢哋兩款set：$248和牛和牛極致定食（3種）同$298和牛西冷海切大判焼&赤身定食。成個燒肉體驗幾chill嘅，食物質素都唔錯，講真係有啲驚喜嘅。🔸$248套餐：有和牛笹身同埋和牛鞍下，油花唔算超誇張，但燒完都夠香嫩，牛味夠晒濃，唔會乾爭爭🔸$298套餐：感覺係再靚啲嘅部位，油花靚到好似雪花咁，大果塊燒完入口即溶每塊牛肉都切得厚薄適中，唔會太厚燒唔熟，又唔會薄到冇口感。加埋枱面嘅嵌入式燒烤爐，火力夠均勻，燒出嚟啲肉加埋我最中意點嘅蛋。。。好滑！我覺得佢每塊肉都有標籤，唔使估估下😹睇得出店家好認真。🥗 配菜+飲品：雖然簡單，但夠晒誠意有沙律、面鼓湯同泡菜啲米係日本米環境+服務：舒服又唔焗促店舖裝修走日式簡約風，枱面有嵌入式燒烤爐，排煙做得好，燒肉唔會搞到成身油煙味。店員有禮貌，會介紹肉類部位，仲會幫你睇火力，唔識燒都唔怕。我覺得最緊要坐得舒服，唔會逼，唔會熱，幾岩同frd gathering或者拍拖都ok。我下次係想試埋其他set。$248套餐已經有唔錯嘅和牛體驗，$298就真係升級版。如果你係牛魔王，$298值得試😹如果budget有限，$248都唔會失望嘅~…查看更多

上星期同朋友聚會，專登嚟荔枝角銀座炎蔵試燒肉，坐位悠閒，慢慢傾偈都唔會趕人～🥩 炎蔵和牛「極致」6點拼盤 店員建議由較厚身嘅肉類開始燒，逐件慢慢烤，享受和牛油花融化嘅畫面。六款日本和牛包括鞍下、上肋、龜之甲、芯芯、肩三角等，每種肉類口感都好唔同，有啲入口即溶、亦有啖啖肉香同彈性，牛香超濃郁，肉汁豐富。燒完一塊又想燒第二塊！🍚 石鍋和牛牛肉拌飯 熱辣辣石鍋係上枱尖叫位，飯焦脆卜卜，啖啖牛肉同蛋黃撈勻，每口都香噴噴，食完好滿足。🍺 朝日咖啡生啤酒（期間限定） 第一次飲呢款生啤！入口係迷人咖啡香，融合啤酒嘅回甘同淡淡麥香，飲落好match，推介配燒肉一齊歎，特別又易入口。🦑 魷魚 燒起幾乎即刻熟，魷魚啖啖彈牙，咬落新鮮鮮甜，送酒一流。呢度食材新鮮烤得好，加上舒適環境、燈光氣氛適中，超啱朋友聚餐！食完已經諗緊下次帶邊個再嚟～…查看更多

銀座炎蔵燒肉@荔枝角📍荔枝角長義街9號D2 Place ONE 3樓302號舖💵$400-$500估唔到荔枝角有間隱世高質燒肉，食材新鮮，靚牛入口即溶，仲可以食到和牛稀有部位，絕對係大滿足。🥯舞@特盛 $698Menu有唔同套餐選擇，因為朋友唔食牛，所以叫咗豬/牛/雞套餐，可以試唔到口味。嚴選A5和牛肋肉油脂豐腴，龜之甲部位彈牙有嚼勁，豚肉肥瘦相間，燒肉點埋醬汁，味道一流。🍙月見紫菜飯 (配蘭王蛋) $48白飯鋪滿脆紫菜，中間放隻蘭王生雞蛋，撈勻食蛋香十足，價錢抵食。…查看更多

今日去咗荔枝角D2 place 銀座炎藏燒肉食午飯。餐廳環境舒服，座位寬敞，木系裝修，充滿日式風格，門口有個雪櫃，擺放咗唔同部位嘅和牛。我哋叫咗兩個午市定食，均配漬物，沙律，湯及日本米飯。嚴選黑毛和牛三種$248，包括和牛鞍下，和牛羽下，和牛貝身。和牛鞍下 薄薄一大片，油花如大理石紋，入口即化，而且充滿油香，輕微沾上肉汁已經好好食。和牛羽下 肩胛部位，同樣都係充滿油花，肉質較厚， 肉香跟油香平衡，好有咬口而且牛味較重。和牛貝身 和牛中腹接近腰脊位置，肉汁豐滿。和牛上等肋肉定食$198，油花好靚又厚切， 肉質細膩，入口即化，好香牛味又不失油香，配上岩鹽及秘製肉汁，更能提升佢嘅味道。和牛龜之甲$78，第一次聽依個部位，原來係和牛大腿四頭根，薄切，油脂分佈較少， 口感清爽，食多幾塊都唔會覺得膩。藍莓乳酸梳打$22，酸甜適中，飲落好清新， 充滿果香，解膩一流。店員態度友善，有禮貌，最重要係抽風系統唔錯， 唔會食到成身油煙味。餐廳仲有豚肉，雞肉及海鮮選擇，下次可以試下其他。…查看更多

今日去咗荔枝角D2 place 銀座炎藏燒肉食午飯。餐廳環境舒服，座位寬敞，木系裝修，充滿日式風格，門口有個雪櫃，擺放咗唔同部位嘅和牛。我哋叫咗兩個午市定食，均配漬物，沙律，湯及日本米飯。嚴選黑毛和牛三種$248，包括和牛鞍下，和牛羽下，和牛貝身。和牛鞍下 薄薄一大片，油花如大理石紋，入口即化，而且充滿油香，輕微沾上肉汁已經好好食。和牛羽下 肩胛部位，同樣都係充滿油花，肉質較厚， 肉香跟油香平衡，好有咬口而且牛味較重。和牛貝身 和牛中腹接近腰脊位置，肉汁豐滿。和牛上等肋肉定食$198，油花好靚又厚切， 肉質細膩，入口即化，好香牛味又不失油香，配上岩鹽及秘製肉汁，更能提升佢嘅味道。和牛龜之甲$78，第一次聽依個部位，原來係和牛大腿四頭根，薄切，油脂分佈較少， 口感清爽，食多幾塊都唔會覺得膩。藍莓乳酸梳打$22，酸甜適中，飲落好清新， 充滿果香，解膩一流。店員態度友善，有禮貌，最重要係抽風系統唔錯， 唔會食到成身油煙味。餐廳仲有豚肉，雞肉及海鮮選擇，下次可以試下其他。…查看更多