La Parrilla Steakhouse

星期六晚訂坐7:30。7:15分去到餐廳。reception 話上一枱客未走，大約7:27可以入座。7:35上一枱客都係未離開。我哋坐咗喺出面啲櫈，之後發現椅背好多塵。7:45可以入座，但係仲抹緊枱。7:50終於坐底可以order。8:20枱面只有墊枱紙，無水 無餐具。第一次催。8:30終於有飲品上枱。催第二次8:50肉來了，上菜方式好特別 全枱人嘅扒放曬喺同一個碟度，waitre會叉住舊肉 辟落你隻碟9:15食曬啲扒同小食 但係叫咗嘅薯條未見蹤影 催第三次9:30 催第四次，waiter話今晚好忙有follow緊9:40 薯條終於出現。食完main先上薯條都係第一見，仲要係book枱時間之後2個鐘。不過係幾好食嘅，好食過啲牛扒。唔建議喺度食生日飯叫蛋糕，隔離有2枱客人食完，等咗1個鐘都未有蛋糕，等到燥，等到發脾氣話要埋單，之後15分鐘，waiter就拎個蛋糕出來唱生日歌。