六如

营业中

休息中

呢間餐廳環境好靚，前身係中環三小漁，中環商業大廈林立，入面the L place原來好多餐廳，其中一間就係呢間隱蔽私房菜，呢度牆上面有特別既魚形掛飾，仲有掛畫好中國風，環境光鮮亮麗，好岩慶祝傾生意既餐廳，呢度每枱都有獨立既立體模型擺設好特別。我地叫左一碟安格斯牛柳粒配新鮮菠蘿同蘋果粒，安格斯牛柳肉味濃郁，油脂分布平均，粒粒精緻，口感加埋醬同生果酸甜醋醬汁好惹味。前菜：竹炭黑金脆豆腐配百香冰心丹霞，豆腐嫩滑清新外脆內軟，百香果配蕃茄酸甜開胃，蕃茄粒仲要去埋皮廚師好用心。鮮麻椒油泡聖子：聖子做法呢度有7種甘多，我地揀左麻椒油泡，少少麻辣口感又香口，聖子炒完香口彈牙又惹味。十年陳皮魚茸羹：呢個用左十年陳皮絲加入左魚肉嫩滑口感又香陳皮味。竹絲烏雞湯：烏雞湯清甜好飲，養顏又足料。焦糖燉蛋配桃膠，唔會太甜，燉蛋軟熟。桂糖香芒爆珠涼粉：爆珠入面放入薏米粒好有咬口而爆珠外形好似珍珠甘閃亮，芒果酸甜涼粉滑溜。