cafe TOO

其實都食左一段時間喇~~ 係E+先有時間寫返。因為有 cash coupon 就快到期，所以一家三口立即黎試一試。入到去裝修舒適，而且睇落有好多野食。龍蝦：好大隻，好新鮮，蝦肉爽夾甜，而且係原隻開邊，拎一隻又得拎半隻又得。而且refill得好快冇缺過貨，我見食到尾聲有對內地人黎食，仲主攻龍蝦，見佢地食完一碟又一碟，仲要碟碟都係幾隻原隻咁食，起碼食左4-5大碟先見佢地食其他野。魚生：三文魚、吞拿魚、北寄貝、立魚...等切得厚厚既，好味！不過當日立魚有D泥"聲"味個人覺得就唔好多食。翡翠螺同凍蝦都新鮮同好爽甜美中不足係冇生蠔 之後就食熱葷D 燉湯好好飲，我地一家三口飲左5個 其他熱葷就都係一般中菜，不過佢地有點心食，又有BBQ，原條東星斑蒸得好滑，又有印度咖哩，即煮泰式粉麵樣樣都好食 沙律選擇多，都食左2轉最後食甜品，除左Haggen Daz雪糕、仲有好多細細件精緻既蛋糕 (好野！可以食多幾款) 真係好好味，其實仲想食，不過真係食唔落下次有機會會再黎食。