GREEN

同朋友諗住食好d同坐耐d傾下偈，就揀左呢度，環境開揚坐得舒服又唔會俾人趕。Set dinner係四道菜晚餐，先上麵包，之後有頭盤、湯、主菜同甜品加飲品，好豐富。頭盤三選一，我同朋友都係揀蟹餅牛油果，蟹餅既蟹肉唔少，外皮煎脆左，幾香口；夾返個牛油果就無咁膩了，牛油果好滑好creamy，整體幾好食。之後就到湯，洋蔥湯真係好好飲，係法式既做法，上面有燒到半溶既芝士同炒香左既洋蔥，加上清甜既湯底，味道豐富。Main dish分別叫左牛扒同海鮮。牛扒叫左五成熟，黎到應該唔止，不過份量都好大，肉味都算香濃；而海鮮真係炭燒既，有好勁既炭燒味，海鮮種類多，算新鮮夠大件，點配埋既牛油汁食就好夾。最後到甜品，可以係甜品櫃揀，每日既款都唔同，圖中呢幾隻就一般啦，唔算十分好食，大家可以試下揀其他試下既。