影片
更多
2018-03-18
475 浏览
黎親酒店都係食自助餐多，但係人大左食唔得多野，就更加覺得食質素好過食份量今次就黎左HOTEL ICON 既GREEN 食dinner GREEN處於酒店lobby 隔離，其實我個人而言就唔太鐘意呢d 環境用饍，始終都係覺得係餐廳入面食飯會好d不過因為今次我係訂左檯，所以㨂左坐係離lobby 最遠既位置，望住街景食飯同埋hotel icon 行既路線並唔係自由行路線，所以就算放係lobby 隔離都唔嘈吵而且呢度既ceiling void 好高，有成三層樓，感覺唔覺得焗促。位置方面都滿意啦呢度有set dinner，但係最少一定要叫兩個，一係就點a la carte 因為set dinner 既野食都唔岩食呀，所以就無叫到啦叫a la carte～因為同行友人都好細食，夜晚又唔想食咁多澱粉質，所以今晚叫左兩個dishes 就算GREEN SALAD 同埋SEAFOOD TOWER因為SEAFOOD TOWER係前菜黎，所以會食完呢個TOWER先再食GREEN SALAD 原諒我影相有d 差，睇唔曬成個tower 係點，就唯有我口述啦上層係魚生、caviar 同埋sauce 黎魚生有甜蝦、三
今次就黎左HOTEL ICON 既GREEN 食dinner
GREEN處於酒店lobby 隔離，其實我個人而言就唔太鐘意呢d 環境用饍，始終都係覺得係餐廳入面食飯會好d
不過因為今次我係訂左檯，所以㨂左坐係離lobby 最遠既位置，望住街景食飯
同埋hotel icon 行既路線並唔係自由行路線，所以就算放係lobby 隔離都唔嘈吵
而且呢度既ceiling void 好高，有成三層樓，感覺唔覺得焗促。
位置方面都滿意啦
呢度有set dinner，但係最少一定要叫兩個，一係就點a la carte
因為set dinner 既野食都唔岩食呀，所以就無叫到啦叫a la carte～
因為同行友人都好細食，夜晚又唔想食咁多澱粉質，所以今晚叫左兩個dishes 就算
GREEN SALAD 同埋SEAFOOD TOWER
Seafood Tower
$488
25 浏览
0 赞好
0 留言
因為SEAFOOD TOWER係前菜黎，所以會食完呢個TOWER先再食GREEN SALAD
原諒我影相有d 差，睇唔曬成個tower 係點，就唯有我口述啦
上層係魚生、caviar 同埋sauce 黎
魚生有甜蝦、三文魚同埋吞拿魚
四個sauce: 泰式點生蝦既青色醬、Cocktail sauce、豉油同埋紅酒醋
下層tower 有蝦兩隻、一隻龍蝦、翡翠螺幾隻、鮑魚兩隻、mussel 幾隻同埋扇貝
其實呢度既份量真係當前菜就得，對其他人而言係應該叫個main dish 食既
魚生好食，但係我覺得好普通，tuna 又唔係拖羅，同普通係連鎖壽司店食既都無分別⋯⋯
caviar 份量好多呀，不過$488 一個seafood tower 既caviar 都唔洗預佢好高質素
除左得個咸味之外真係食唔到有鮮味，所以俾咁多份量我反而有d 苦惱⋯⋯
點食得曬啊
反而係下層tower既有驚喜～
鮑魚同埋帶子都係煮過既，唔係白烚雪返凍佢就算
鮑魚既調味偏甜，但唔會蓋過鮑魚既鮮，而且好淋
帶子係輕輕「辣」過，所以個心係生既，唔會全熟好un
雖然已經chill 返，但係仲有煎過帶子面既香氣
翡翠螺好新鮮，大細適中，入面d 肉好容易就拉到出黎
呢款蝦我唔知道佢係乜野名堂，啖啖肉，肉質唔梅。但係無乜膏，蝦頭係吉吉的
龍蝦同mussel 都無野需要comment，因為好普通⋯⋯
其實呢個tower 要$488 係要既，呢度係酒店黎嘛。但係個味道又好普通，下次唔需要食多次
呢個質素不如食自助餐仲好，老實講真係差唔多⋯除左d 蝦無咁大隻之外⋯
跟住要講下個GREEN SALAD，但係原諒我無影相，唯有口述
Green Salad 有mixed green、ham同埋d 脆蝦，sauce 係peach dressing
呢個salad 其實係要大讚，因為味道好fresh 好高質
食沙律配以生果既醬汁好普通，但係多數都咁芒果汁為主
peach dressing 係甜甜地，撈埋d 有少少苦味既mixed green，加上咸味既ham，味道真係好配合
沙律既份量係二人份量，當然唔係會食飽人既份量啦，所以就算a la carte 叫呢我都覺得要叫返main dish、小吃、甜品
题外话/补充资料：
hotel icon 既服務質素真係好好，不愧係polyu 既教學酒店（雖然我唔知serve我地既係咪polyu 既畢業生）
同埋相信係polyu 既alumni 都知道有polyu 既學生信用卡有15% off
所以作為舊生就一定要出返張信用卡啦 :D
(以上食记乃用户个人意见 , 并不代表OpenRice之观点。)
张贴
