得閒飲茶 (MONTEREY Place)

营业中

休息中

今次同朋友去咗將軍澳MONTEREY Place嘅DHYC Dimsum Restaurant，呢度嘅環境好靚，特別係室外座位，坐喺度可以望住海，感覺好悠閒，食dim sum嘅時候心情特別好。我哋叫咗幾樣經典點心，蝦餃皮薄餡靚，蝦肉爽甜，咬落去有啲彈性！燒賣味道唔錯，仲有啲香菇碎同蟹子，提升咗口感。菜苗餃餃子皮好薄，配合埋菜苗，感覺好健康。焗叉燒飽外脆內軟，叉燒餡多汁，好軟熟！蘿蔔絲酥餅好有層次，外脆內軟，蘿蔔絲嘅香味仲帶出咗一種懷舊感，好似返到細個Ｄ餅食既酥脆。手打墨魚餅特別留左墨魚粒，啖啖都有墨魚香。韭菜金錢蟹盒外面較少食到，餅皮酥脆，味道豐富。總體嚟講，DHYC Dimsum Restaurant係一個值得一試嘅地方，食物新鮮又美味，環境又靚，適合同朋友聚餐，悠閒地享受美食。