卅二公館

营业中

休息中

朋友之前食過大讚，話無論環境同食物質素都好高，專登帶我地去試下，聽講都唔係咁易book枱。先講下環境，餐廳原來位於地庫，要落扶手電梯同樓梯先到。裝修好靚，燈光比較暗，好有情調。有啲係專飲野嘅bar枱，地方好闊落，餐枱與餐枱嘅距離都算遠，好有空間感。食物方面，由朋友發板，點咗椒鹽鮮鮑魚仔，黑毛豬叉燒，避風塘炒蟹，香芒椰汁米卷，棉花蛋白杏仁茶。我只可以講，全部都好好食，賣相亦都好靚。真係好回味，難怪朋友咁推介，食完讚不絕口。