cafe TOO

昨日在香格里拉有個conference，主辨機構請埋食自助餐，同同事二人赴會。以前幫襯過晚市自助，下午自助還是第一次。其實食物種類都係分果幾大區，分別是頭盤、冷盤、熱盤、粉麵、咖哩及甜品，可選擇的數量當然比晚間少一點，話晒都收平一點的。頭盤比夜晚少三份一，不過主要的幾款沙律都落齊，亦有凱撒沙律及芝士碟，都算唔錯；仍然有魚生及壽司吧，不過看樣子已經無興趣試；有凍蟹、蝦及蠔，陣容弱少少，其中蠔沒有什麼甜味，比州際及馬會的都弱一點，凍蟹就幾鮮甜，不過細隻，吃起來又狼狽，商務應酬是一隻起兩隻止；熱盤無甚睇頭，去食咖哩好過，拿了一個papadum，咖喱羊仍然是最好味的，其之是咖哩魚。吃塊烤薄餅都不錯，總好過吃飯吧。甜品櫃選擇很多，擺放得亦好有心思同好靚，份量小小的，一樣試一點也不會太飽。可惜味道不及賣相好，最好的還是還原基本步的忌廉蛋糕。加埋杯雪糕，以午餐來說，已是過份豐富了。唔使的埋單，不過問過侍應，價錢是250蚊加一，即275左右一個人。食物種類幾多，地方又幾好坐，二百幾蚊都唔算好唔抵。