父母雖然係傳統飲茶派 但偶爾都鍾意試下新嘢
所以我今次就帶佢哋去淥鼎記飲茶🫖
呢度有造型特別嘅點心 又有玩味性質重嘅熊仔奶茶
有得食又有得玩 好滿足❤️💯
熊仔奶茶（$24）
呢隻可愛至極嘅熊仔 實際上係雪成冰嘅凍奶茶
再倒上樽入面嘅奶茶 熊仔就會慢慢融化
奶茶味都幾香濃
埋單時先知道 嗌一杯飲品可以減免一位茶芥
咁都幾抵喎～
1
琥珀合桃酥（$32）
外型似足一粒合桃 初初驚佢會好硬
點知係好酥化😋入面亦有啲合桃碎 甜甜地幾好味
松露小梨子（$30）
未見過啤梨形狀嘅鹹水角 好可愛呀🤣
入面嘅餡料略嫌可以再多少少
香芋天鵝酥（$36）
呢3隻天鵝睇得又食得 炸得好鬆軟
蟹籽龍皇燒賣（$19）
雖然只得兩粒 但勝在夠晒大粒 好足料
老乾媽燒買（$19）
好少見嘅燒賣 上面放咗老乾媽辣醬 食落辣辣地幾過癮
黑松露赤螺三文魚酥 （$36）
底下嘅酥皮非常鬆脆 赤螺加上三文魚味道不錯
唯獨黑松露味道不夠出
黃金鮮蝦餃（$19）
蝦餃皮上面鋪咗一行金萡 好吸睛😎
皮夠煙韌 蝦亦夠彈牙 味道相當不錯
海苔肉鬆炸兩膠粉（$30）
腸粉上面鋪上海苔肉鬆 令口感味道都更豐富
唯獨入面嘅油炸鬼略嫌炸得硬咗少少
