火土燒肉

餐廳以露營為主題, 室內有幾個大帳蓬好適合一大班朋友食飯, 另外有卡座位, 營地枱凳等, 可以涼住冷氣咁食燒肉, 而室外仲有一片露天營地, 每張枱都放有唔同嘅露營用具, 例如露營掛燈, 不銹鋼杯杯碟碟醬油兜等, 真係好有氣氛! 𓊈全牛特選拼盤 $𝟺𝟻𝟾𓊉全牛拼盤包括雪花牛小排, 薄切香蔥牛舌, 牛三筋, 牛胸腹同牛肋肉。幾款肉都好juicy, 牛三筋肉質結實, 牛胸腹肉味非常香濃, 個人特別喜愛牛小排同牛肋肉, 充滿油脂香, 燒完都好軟腍好好食! 側邊有2款醬汁可以蘸點, 紅酒汁同燒肉汁, 2 款都好食!𓊈厚燒豚腩肉 ✧ 塩醬 $𝟷𝟼𝟾𓊉豚腩肉係厚切㗎, 肉同脂肪比例50/50, 放上炭爐燒無幾耐已經火光紅紅, 燒得2邊金黃色, 肉質爽嫩, 好多肉汁, 好好食!𓊈松阪豬頸肉 ✧ 生薑味噌 $𝟿𝟾𓊉松阪豬頸肉可以揀唔同醬汁, 我地揀咗生薑味噌, 估唔到生薑味會咁濃郁, 豬頸肉燒得香脆可口有嚼勁。𓊈蒜蓉牛油本菇 $𝟹𝟾𓊉蒜蓉牛油本菇未燒已經好吸引, 燒完d 牛油同蒜茸味更香濃突出, 配埋本菇真係好好食, 非常推介!𓊈日本椰菜 $𝟹𝟾𓊉日本椰菜燒完都好鮮甜爽脆, 完全可以解一解燒肉嘅油膩感。