大圍小館

营业中

休息中

家人生日，提早三星期訂枱吃晚飯，期待已久終於成事。餐廳位置方便大圍站A出口步行3分鐘即到。晚市分了六時及八時訂枱服務，我們訂了八時，可以準時入座。座位非常寬敞，坐得好舒服。點菜係一個好大嘅難題，亦都可以問店員嘅意見，原本打算叫黑醋扒及咸檸骨，店員善意提醒兩者口味相近，建議我哋嗌孜然豬仔髀及咸檸骨。最後共點了八碟菜。我哋一行七人叫了兩份勾魂叉，店員只醬汁是秘製的，用了陳皮製作醬汁，店員送上勾魂叉後，即場塗上醬汁並以火槍燒香表面，趁熱食非常香口，而且叉燒口感軟淋，回味無窮。招牌菜蟹蒸飯都係唔可以缺少嘅菜，原隻蟹蓋上飯上面，佢嘅鮮味融入晒落啲飯度，飯粒粒粒分明。黃金日本南瓜都非常香口，即炸非常酥脆。面頭嘅鹹蛋黃好香。另外仲嗌咗一個蝦仁滑蛋煎米粉，上碟時米粉像Pizza，滑蛋蝦仁另上，味道非常清新。米粉脆口而不油膩。蔬菜嗌咗腐竹浸時蔬，正常發揮。店舖冇收切餅費，仲送飯後甜品馬豆糕。茶靚水滾，服務一流。