一遊

营业中

休息中

第一次同朋友1行4人黎試下呢間居酒屋食晚餐，餐廳位於尖沙咀諾士佛台酒吧街，一入餐廳已經好似去左日本一樣，餐廳播住日文歌，環境同氣氛都非常好，入面仲有需要預約先有嘅獨立房間，好岩同朋友聚會，小酌幾杯。座位寬敞，環境寧靜。小食炸芝士海膽卷 岩哂餸酒👍🏻前菜特色醬汁配溫泉蛋自家製醬油，連埋隻溫泉蛋涷食，一流一遊沙律特製醬汁配新鮮沙律菜，特色珍珠同年糕，酸甜口味，口感煙韌。笠貝刺身原隻笠貝，配青檸嘅清香，帶出刺身嘅鮮甜爽口。特上壽司10貫當中有日本牡丹蝦、北海道帶子、大拖羅、海膽，吞拿魚等等。由廚師發板，當日時令魚生，海膽鮮甜美味，食得出款款嘅魚生壽司，都好新鮮。串燒燒厚切牛舌牛舌帶有鹽香，口感十足燒免治雞肉串京蔥雞串兩款雞肉串配有特製醬汁，令雞肉更惹味燒雞皮蝦由雞皮加香葉包住原隻鮮蝦燒，啖啖肉卡邦尼意粉飲品梅酒，蜜桃梳打，巨峰乳酸梳打每位人均大約$500 一位，食到捧住個肚走，岩哂日本迷黎打卡食飯，值得推介。