京都勝牛 (AIRSIDE)

营业中

休息中

餐廳充滿日式和風感, 卡座位闊落坐得幾舒適。𓆹 四品牛魔御膳 $𝟹𝟸𝟾𓆹 勝牛喜燒鍋膳 $𝟷𝟾𝟾𓆹 特濃抹茶小豆流心蛋糕 $𝟻𝟸𓆹 沖縄黑糖雞蛋布丁 $𝟻𝟾𓆹 菠蘿白桃蒟蒻冰茶 $𝟹𝟸𓆹 清酒雞尾酒 $𝟼𝟾四品牛魔御膳有齊菲力牛, 翼板牛, 穀飼西冷同醬味薄牛4款唔同牛肉, 每片牛肉上枱時已經係三至五成熟, 如果想食熟少少, 餐廳會提供鐵板比你自己輕輕煎幾秒。菲力牛同翼板牛肉質結實; 穀飼西冷油脂比例豐富, 肉質軟腍; 醬味薄牛已經調配好味道幾嫩滑。另外套餐仲提供白飯, 京椰菜同麵豉湯, 都係可以任添。勝牛喜燒鍋膳有一碟牛肉, 鍋裡面有豆腐, 椰菜, 金菇, 本菇, 芋絲等, 壽喜燒湯底清甜, 牛肉肉質偏結實。套餐同樣提供任添白飯, 京椰菜同麵豉湯。特濃抹茶小豆流心蛋糕賣相精緻, 蛋糕上面有紅豆, 側邊有忌廉同雪糕, 配搭一齊食口感好豐富。沖縄黑糖雞蛋布丁口感綿密, 上面淋上黑糖醬, 甜甜地幾好食。菠蘿白桃蒟蒻冰茶有淡淡嘅菠蘿同白桃香氣, 裡面好多蒟蒻粒, 唔太甜, 好好飲! 清酒雞尾酒賣相精緻, 酒味香濃。