影片
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
有关奖赏计划
影片
相片
和牛忌廉牛肉饼二味牛御膳朝
蕃茄相扑味噌蚝锅御膳
+1.2K
+109
食家推介
相关文章
📍喺地铁站入去转左就会见到京都胜牛，夜晚都几多人食，佢哋定食仲可以无限添加白饭、椰菜丝同面豉汤，见到店员都好主动拎住盆椰菜丝问使唔使加菜食～拣咗四品牛魔御膳($328)，入边包咗吉列菲力牛、西冷、翼板牛同酱味薄牛。牛肉大约炸到三成熟，如果想再熟啲嘅话可以问店员再拎热板整熟啲。翼板牛肉质最软嫩，油脂分布均匀，配上三成熟食入口即化，旁边仲有咖喱汁味噌等几种酱料可以加。胜牛喜烧锅膳($188)有寿喜烧包晒嘅配料，个汤会比较清，相对起御膳会较健康。建议煮耐啲等到个味浓啲先食配菜，见到除咗日式锅物，仲有特别啲泡菜鸡肉锅都几吸引！甜品嘅特浓抹茶小豆流心蛋糕($52)好啱钟意食抹茶，因为抹茶味劲浓郁！仲要系焗热咗配埋隔离嘅雪糕升华晒。冲绳黑糖鸡蛋布丁($58)嘅黑糖味同蛋味都好出。做紧promote有几款啱打卡嘅sparkling drink，奇异果热情果梳打同菠萝奇异果有汽特饮($48)都几靓，仲可以request少甜同少冰。
继续阅读
餐厅充满日式和风感, 卡座位阔落坐得几舒适。𓆹 四品牛魔御膳 $𝟹𝟸𝟾𓆹 胜牛喜烧锅膳 $𝟷𝟾𝟾𓆹 特浓抹茶小豆流心蛋糕 $𝟻𝟸𓆹 冲縄黑糖鸡蛋布丁 $𝟻𝟾𓆹 菠萝白桃蒟蒻冰茶 $𝟹𝟸𓆹 清酒鸡尾酒 $𝟼𝟾四品牛魔御膳有齐菲力牛, 翼板牛, 谷饲西冷同酱味薄牛4款唔同牛肉, 每片牛肉上枱时已经系三至五成熟, 如果想食熟少少, 餐厅会提供铁板比你自己轻轻煎几秒。菲力牛同翼板牛肉质结实; 谷饲西冷油脂比例丰富, 肉质软腍; 酱味薄牛已经调配好味道几嫩滑。另外套餐仲提供白饭, 京椰菜同面豉汤, 都系可以任添。胜牛喜烧锅膳有一碟牛肉, 锅里面有豆腐, 椰菜, 金菇, 本菇, 芋丝等, 寿喜烧汤底清甜, 牛肉肉质偏结实。套餐同样提供任添白饭, 京椰菜同面豉汤。特浓抹茶小豆流心蛋糕卖相精致, 蛋糕上面有红豆, 侧边有忌廉同雪糕, 配搭一齐食口感好丰富。冲縄黑糖鸡蛋布丁口感绵密, 上面淋上黑糖酱, 甜甜地几好食。菠萝白桃蒟蒻冰茶有淡淡嘅菠萝同白桃香气, 里面好多蒟蒻粒, 唔太甜, 好好饮! 清酒鸡尾酒卖相精致, 酒味香浓。
继续阅读
这间来自日本京都的吉列牛排专门店位于启德的AIRSIDE，主打御膳及锅膳，其中季节限定约每两个月更换款式，有提供多款酒精饮品。店内环境宽敞舒适，装潢采用时尚的日系为主，墙身挂上日本传统纸伞，又画上和风壁画，如置身日式居酒屋。四品牛魔御膳(温泉玉子．青唐辛子味) - $328还原日本总店的味道，以日本技术干面包糠、面粉及鸡蛋黄金比例调配炸浆，再以190度的高温快炸60秒，内里维持著三成熟，可再自行以热锅再煎香。酱味薄牛采用秘制酱汁所腌制，肉质松软多汁有层次；翼板牛类似牛小排，纤维也比较细，油脂含量均匀好柔软；菲力牛是牛腰内侧最嫩的部分，肉质极度细嫩，几乎不含脂肪；谷饲西冷结实带有适量的油花，嚼劲及嫩滑兼备，风味浓郁；其中白饭、京椰菜及味噌汤均可续加。附上的七种蘸料，包括玫瑰盐、绿芥末、七味唐辛子、鲣鱼和风露、咖哩酱、招牌牛排酱和日式温泉蛋，味道变化多端。胜牛喜烧锅膳 - $188关东风寿喜烧的锅内有香菇、豆腐、粉丝及皇帝菜，汤头有酱油的咸甜；两块色泽红润的牛肉，油花分布丰富且平均，中间的嫩筋富弹性，可蘸上日本生蛋增添顺滑感。味噌汤浓厚的豆香，又有昆布及香葱。草莓小豆雪糕三文治 - $58士多啤梨雪糕球幼滑细腻，云呢拿雪糕更以炸衣包裹著，有强烈的温差及口感，加上绵密的红豆蓉很香甜，淋上浓稠的焦糖酱。冲绳黑糖鸡蛋布丁 - $58采用日本蛋制成，扎实挺身的布丁充满弹性，表层有香脆的焦糖，软绵细腻得几近入口带化，浓郁的蛋香有点黑糖的焦香。红豆宇治抹茶 - $36三种颜色层次分明，优雅醇厚的抹茶茶香，伴随顺滑的鲜牛乳，又有绵密的红豆蓉。
继续阅读
呢间京都嚟嘅过江龙一路都听过佢嘅大名，可惜抽唔出时间来试，今次终于约到朋友去食！四品牛魔御膳 $328一共有四款唔同嘅牛肉，包括有谷饲西冷、菲力牛、翼板牛以及酱味薄牛。整个套餐仲有汤、白饭、椰菜、温泉蛋，饭同埋椰菜仲可以refill！当然唔少得调味酱料，比如有酱油、咖哩汁等可以转换口味。除咗酱味薄牛，另外𠮶三款上枱时候都只系整咗三至五成熟，不过仲会有个煎pan畀客人自己调节熟度，西冷油脂最明显，菲力牛、翼板牛肉质就相对结实啲，酱味薄牛事先调味过，肉质软淋有味道。牛肉爱好者必试呢一款！胜牛喜烧锅膳 $188另一款就拣咗常见到嘅寿喜烧，套餐同样有汤、白饭。寿喜烧锅本身入面摆咗唔少蔬菜，比如有豆腐、粉丝、椰菜、菇菌等，牛肉片就分开上，俾客人慢慢涮熟，记得要点生蛋汁，牛肉片加蛋汁，口感滑顺，送饭一流特浓抹茶小豆流心蛋糕 $52好钟意呢款蛋糕，侧边有雪糕同埋忌廉，抹茶蛋糕上面有红豆，蛋糕本体系热！带有明显嘅抹茶香气，配合冰凉嘅雪糕食，冰火两重天好正冲绳黑糖鸡蛋布丁 $58布丁表面淋上黑糖酱，平时食开嘅布丁口感滑溜，但系今次食嘅呢款鸡蛋布丁相对比较绵密，但同样美味！！山楂荔枝乳酸 $38期间限定饮品，入口有明显嘅荔枝甜味，笃多几下山楂就会有酸味涌出嚟，口感变得更清爽冲绳黑糖姜茶 $38暖笠笠嘅黑糖姜茶，味道唔甜，姜味明显
继续阅读
同朋友喺airside 揾嘢食，见到呢间餐厅都多人帮衬，就入咗嚟食。🥩 四品牛魔御膳 $398呢个御膳包括四种不同部位的吉列牛，包括：谷饲西冷、菲力牛、翼板牛和酱味薄牛，每款都各有特色。牛肉嫩滑，特别系西冷，肉质最腍。如果想食熟啲，餐厅仲会提供煎pan俾你自己再煎熟。呢个御膳配有白饭、沙律菜同汤，唔够仲可以再添，系任添嘅！🥓 熟成厚切豚肉锅膳 $158呢个厚切豚肉锅膳份量十足，猪扒炸得香脆，底层嘅蛋汁滑嫩，非常好味！呢个餐同样配有任添嘅白饭、沙律菜和汤。🍰 特浓抹茶小豆流心蛋糕 $52抹茶蛋糕有少许嘅流心效果，味道香浓，再搭配一球云呢拿雪糕，冰凉嘅雪糕同温暖嘅蛋糕口感对比下，有冰火交融嘅口感。🍓 草莓小豆雪糕三文治 $58三文治外层炸得酥脆，里面包住一球云呢拿雪糕，软滑嘅雪糕同酥脆的三文治形成特别嘅口感对比，旁边仲有士多啤梨味雪糕球做伴碟。🍵 红豆宇治冰抹茶 $36呢杯红豆抹茶好有惊喜！本来惊会好甜，点知完全唔洗怕，抹茶无落糖，散发住天然甘香味道！无糖嘅抹茶中和咗底层嘅红豆甜味，绝对适合所有抹茶爱好者！
继续阅读