CHUTNEY

店舖喺大館隔籬，地理位置方便。裝修雅緻大氣。店員友善高水準。食物價錢中上，質素甚高。 ✦ Lamb Shank Nalli Nihari 羊膝肉質軟腍，慢煮後骨肉幾乎分離，食落嫩滑，味道唔算太騷。咖哩相對薄身，感覺似湯水，味道唔太辣，可以加檸檬、芫茜等食更為提香。 ✦ Andhra Tenderloin淡淡炭火味，唔算太焦。肉大概五成熟，肉質有咬口，味道香濃。醬汁比較有印度特色，濃味，甜甜辣辣。 ✦ Malaysian Inspired Clams非常得意嘅菜式，有種食中式小菜嘅感覺。入口仲話甜甜哋唔係好辣，幾秒後辣到入喉嚨。蜆清得非常乾淨，煮得啱啱好，肉質嫩滑有彈性。