大圍小館

营业中

休息中

今日同朋友去踩單車， 踩完單車係附近搵食，記得上次朋友帶我去大圍小館飲茶，茶同點心都好有特色，所以決定再試試唔同點心。踩完單車好肚餓，先來個糯米包$40一籠有三個好大舊，餡料超多，有臘腸、蝦米、冬菇、瑤柱、芫荽，味道幾好，醫肚一流。韭黃鮮蝦腸$43皮薄餡靚超級鮮甜。一條有2隻大蝦。紙包骨$46配上紫洋蔥，好鬼入味，但偏鹹咗少少。古早味牛骨髓$46出面少見，食落滑滑哋呢間餐廳嘅好處係可以分別叫兩隻蝦餃兩隻燒賣撐枱腳。赤肉燒賣$31大粒圓潤，成隻花茹係面頭好靚。鮮筍蝦餃$31蝦餃晶凝通透，食落夾甜帶汁。茶位$15合理！餐廳用上名貴嘅茶葉，好飲😋