九爺牛腩 (佐敦道)

营业中

休息中

這款平民美食表面看似平平無奇，但要做得好食出色又平民價真係唔係間間都得😎尖沙咀店舖小小，名氣極大，好快佐敦就開分店，主打潮式粉麵，馳名牛腩，崩沙腩、自家製魚麵、牛嘅內臟，有各式各樣唔同嘅配搭，另外當然仲有各式各樣嘅丸類，水餃雲吞，炸物小食，仲有最得我心既蠔仔肉碎粥😋牛魔王魚麵一碗有齊牛腩，牛筋，牛肚，牛腸，牛膀，全部炆到軟腍入味，特別喜歡牛腩半肥瘦，牛筋夠腍有彈性，仲有牛腸非常乾淨，味道濃郁帶少少肥膏👍🏻蠔仔肉碎粥份量足大大碗，多蠔仔及肉碎，有小小芹菜帶出香味，50蚊咁大碗真係小見💯麻辣八爪魚呢款小食都唔錯，好開胃，又會靭🐙呢間仲有早餐供應略嫌粉面唔夠飽，又想食牛腩牛雜，你可以選擇配飯哦😁