正九清湯腩 (餘慶大廈)

营业中

休息中

今日返工好忙，到兩點先有機會食中午飯，除咗麥當勞大家樂今日想轉下口味食牛腩麵。快靚正食完野，與同事可以再返公司開工。兩點時段餐廳都坐滿人，人流好旺，不過食客 都食得好快，等咗五分鐘就有位。梗係要食 清湯牛三寶河，絕對食到真功夫 ，牛腩牛肚牛筋 。牛腩半肥瘦非常林， 牛筋都好入味，三樣都好滿意。湯底好清甜。 另外同事就食咖哩牛三寶河， 個咖哩汁少少微辣，好正。仲有煮到好淋嘅薯仔。另外非常出色的辣椒油，不用錯過，再加個腐乳通菜， 每人一支汽水。