牛霸王

营业中

休息中

呢間上樓小店係朋友推薦，佢話環境簡約，料理亦非常有誠意，值得一去再去！日式和風沙律~份量比想像嘅多，菜葉亦都夠脆口，呢個脆嘅程度，保證新鮮！加上以半均勻的醬汁，略帶酸口，非常開胃！手打芝士安格斯漢堡蘭王蛋飯~手打嘅漢堡口感果然唔同，結實得嚟感覺較為鬆化，仲可以保留到肉汁，兩面煎至金黃色，配上其他配料簡直頂級享受！蘭王嘅蛋黃色澤夠曬奪目，一切開，蛋黃汁緩緩而下，配埋溫暖嘅白飯，蛋香四溢，令人食指大動！食到最後，每一隻碟都會有特別嘅字句，溫暖入心。日式慢煮豬軟骨飯~睇餐牌標榜咗係慢煮五小時！用慢煮嘅方式可以保留到肉嘅質感同時夠曬軟，重點係非常入味！我會稱之為精緻嘅烹調方式！