影片
更多
2024-06-16
117 浏览
曾三仙米綫今次要介紹一間米線店喺內地分店超過1000間，終於而家登陸香港，呢間米線店叫「曾三仙米綫」，佢哋嘅米線同香港嘅米線好唔同，第一粗幼程度唔同，第二爽滑程度唔同，第三掛汁程度都唔同，喺香港完全搵唔到呢種咁好食嘅米線，呢種米線叫「四川米線」，佢哋喺四川直送嚟香港，好少返內地嘅我，而家唔洗長途跋涉都可以食到四川米線，仲要係超出名嘅「曾三仙米綫」，最近佢哋仲做緊開張三個月優惠，凡消費任何米線或特色小食嘅話，都可以以$3優惠享有紅糖豆花山椰拿鐵飲品，仲有就係有自助區，果度有蔥花、醃蘿蔔同芫茜比大家任𢳂任食，大家如果未食過「曾三仙米綫」就快d去食下啦！如果輪椅人士要入去「曾三仙米綫」食野就要自備斜板，因為呢間餐廳門口有一級，對輪椅人士有少少不便啦！1.酸菜腰花米線$58+午餐肉（3塊）$9+百香茉莉茶$9（跟餐半價）（9.5/10）呢個酸菜腰花米線真係不得了，米線超爽滑彈牙，比起香港其他米線店嘅米線幼少少，有勁掛汁，店員仲話呢度嘅米線係四川直送，豬腰𠝹埋花，豬腰好爽口彈牙，大約都有7舊，我再加咗$9係佢哋自己整嘅午餐肉，午餐肉有3塊，其他配料有酸菜、韮菜、海帶同蕃茄肉等，湯底酸酸辣辣，食完
今次要介紹一間米線店喺內地分店超過1000間，終於而家登陸香港，呢間米線店叫「曾三仙米綫」，佢哋嘅米線同香港嘅米線好唔同，第一粗幼程度唔同，第二爽滑程度唔同，第三掛汁程度都唔同，喺香港完全搵唔到呢種咁好食嘅米線，呢種米線叫「四川米線」，佢哋喺四川直送嚟香港，好少返內地嘅我，而家唔洗長途跋涉都可以食到四川米線，仲要係超出名嘅「曾三仙米綫」，最近佢哋仲做緊開張三個月優惠，凡消費任何米線或特色小食嘅話，都可以以$3優惠享有紅糖豆花山椰拿鐵飲品，仲有就係有自助區，果度有蔥花、醃蘿蔔同芫茜比大家任𢳂任食，大家如果未食過「曾三仙米綫」就快d去食下啦！
如果輪椅人士要入去「曾三仙米綫」食野就要自備斜板，因為呢間餐廳門口有一級，對輪椅人士有少少不便啦！
1.酸菜腰花米線$58+午餐肉（3塊）$9+百香茉莉茶$9（跟餐半價）（9.5/10）
呢個酸菜腰花米線真係不得了，米線超爽滑彈牙，比起香港其他米線店嘅米線幼少少，有勁掛汁，店員仲話呢度嘅米線係四川直送，豬腰𠝹埋花，豬腰好爽口彈牙，大約都有7舊，我再加咗$9係佢哋自己整嘅午餐肉，午餐肉有3塊，其他配料有酸菜、韮菜、海帶同蕃茄肉等，湯底酸酸辣辣，食完唔會口渴，份量好足夠，唔錯！
百香茉莉茶：跟餐只係$9一杯，唔算好甜，茶味算出，喺出面未飲過！
2.胡椒殼干拌$32+泡椒$8+虎皮雞腿$15+小吊梨湯$9（跟餐半價）（8.5/10）
呢個拌麵配料有花生同娃娃菜等，我仲加咗$8泡椒，驚唔夠辣，見配料好少再加咗$15一隻虎皮雞腿，雞腿肉質有少少韌，呢個拌麵食落去唔辣，不過食完之後有後勁，辣度係慢慢出嚟，辣得嚟幾鬼鼠下！
小吊梨湯：跟餐只係$9一杯，唔算好甜，喺出面未飲過！
3.三仙蒜香牛肉片$32（9.5/10）
呢碟蒜香牛肉片大約有15片，每一片牛肉片都食到蒜香味，有少少辣，每一片都切得好薄，唔會韌！
4.磁粑油條$16（9/10）
呢碟磁粑油條真係無改錯名，一咬落去口感似油炸鬼，炸得好脆，再慢慢食落去口感有少少似磁粑，慢慢咬發現中間有少少似麻薯口感，一碟有兩舊磁粑油條，一舊磁粑油條有三種口感，好正！
5.牛肉丸（7粒）$24（9.5/10）
呢個牛肉丸牛味都幾重，咬落去都幾爽口彈牙，一共有7粒牛肉丸！
6.紅糖豆花$3（開張三個月優惠）（9/10）
呢個紅糖豆花唔會好甜，豆花好滑，有少少豆味香！
2人總共價錢$215
個人口味總評分：9.17/10
地址：太子花園街228號地舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#曾三仙米綫 #米線店 #太子好去處 #太子美食 #太子 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
