影片
更多
2013-06-17
1481 浏览
爸爸生日，於是同佢黎食自助餐。7:00鐘到都已經坐滿咁濟。第一時間梗係食海鮮，有蟹腳、青口、龍蝦。食左青口，幾鮮甜爽口。龍蝦都係第一次自己食咁大隻，已經開左邊，所以食都唔太麻煩。不過見另一枱一個侍應幫埋個客剝龍蝦，超好SERVICE。龍蝦夠多膏，不過我就覺得淡味左啲，因為連海水咸味都無，但屋企人話咁先食到龍蝦既鮮味喎。我覺得係芝士焗會仲正！即蒸小籠包: 一次蒸得十幾隻，一人限拿2隻，所以你見到6、7個人排緊隊既應該唔駛排。但排到我果陣個師博見多人叫我拿住一隻先，太唔滿意喇，明知多人應該蒸多啲，而唔係明明話可以拿2隻，排到先話得一隻咁我一枱4個人姐係叫我排4次？呢度要扣分！但其實隻小籠包係好食，一個籠放一隻好得意，皮夠薄同多汁。刺身都夠多選擇，北寄貝夠鮮甜，三文魚夠肥美，仲係厚切。壽司都幾多選擇，仲有我最愛既火炙三文魚壽司，可惜唔係即燒即食，三文魚凍左，無左入口即溶既感覺，不過都好好味。如果唔係要留肚食其他野一定會食多幾舊。熱食我不嬲都唔好，不過一場黎到點都要試少少。茄子天婦羅唔錯，唔會淨係食到一PAT粉，又或者好油"益"味。跟住食左啲燒味，叉燒、雞都普通。燒腩仔唔錯，夠脆，仲有三個國家
第一時間梗係食海鮮，有蟹腳、青口、龍蝦。食左青口，幾鮮甜爽口。龍蝦都係第一次自己食咁大隻，已經開左邊，所以食都唔太麻煩。不過見另一枱一個侍應幫埋個客剝龍蝦，超好SERVICE。龍蝦夠多膏，不過我就覺得淡味左啲，因為連海水咸味都無，但屋企人話咁先食到龍蝦既鮮味喎。我覺得係芝士焗會仲正！
即蒸小籠包: 一次蒸得十幾隻，一人限拿2隻，所以你見到6、7個人排緊隊既應該唔駛排。但排到我果陣個師博見多人叫我拿住一隻先，太唔滿意喇，明知多人應該蒸多啲，而唔係明明話可以拿2隻，排到先話得一隻咁我一枱4個人姐係叫我排4次？呢度要扣分！但其實隻小籠包係好食，一個籠放一隻好得意，皮夠薄同多汁。
刺身都夠多選擇，北寄貝夠鮮甜，三文魚夠肥美，仲係厚切。壽司都幾多選擇，仲有我最愛既火炙三文魚壽司，可惜唔係即燒即食，三文魚凍左，無左入口即溶既感覺，不過都好好味。如果唔係要留肚食其他野一定會食多幾舊。
熱食我不嬲都唔好，不過一場黎到點都要試少少。茄子天婦羅唔錯，唔會淨係食到一PAT粉，又或者好油"益"味。跟住食左啲燒味，叉燒、雞都普通。燒腩仔唔錯，夠脆，仲有三個國家既介辣俾你點，值得一讚，可惜又係唔夠熱，失色左少少。
一個鐘個一次既湯(我估係咋，無計過幾耐一次)，好多人排隊拿，但一次都出幾多，容易拿到。又係細細盅好得意，今次係海底椰，夏天夠消暑，清甜好味。
鵝肝帶子，睇住師博即時係鐵板度燒，但係燒完所有野先放番落個殼度，有點兒奇怪。鵝肝燒得好味，入口即溶，不過細舊左啲。帶子超好味，夠JUICY又"淋"，仲好大隻。火龍果就酸左啲，不過可以清一清鵝肝既肥膩感。
甜品都幾多選擇，不過大舊左啲，唔可以樣樣食少少，食一兩件已經好飽。同埋甜品係無REFILL，呢三個好味甜筒得兩盤，拿哂就無再出。好彩我好早既時候已經忍唔住食左先，到甜品時間已經唔見左佢。初時只係以為上面既生果唔同，食落先發覺原來甜筒入面既CREAM都唔同，上面係咩生果入咩就係咩CREAM。好好味，可惜我想再拿既時候已經無哂。
题外话/补充资料：
座位其實好逼，後面果位只要張椅退後少少坐已經唔夠位行，希望可以改善，放少啲枱。
(以上食记乃用户个人意见 , 并不代表OpenRice之观点。)
张贴
