影片
更多
2025-06-13
1854 浏览
母親節過後，又到父親節，大家諗到去邊到慶祝未？ 其實最重要係一家人食得開開心心，無須左遷右就，想食乜就食乜就最好，如果有老有小，就更加要多完化，仲要無須限時限刻，座位又逼到死，對嗎？ 上次介紹過港島香格里拉Cafe Too 自助餐，就算不是節日，係家陣既環境下，都可以全場爆滿，就知道有幾吸引。 場中有個大缸，內裡是新鮮游水龍蝦，轉頭就成了即蒸開邊龍蝦，仲要free flow，就睇你可以食到幾多隻。 同一個位，有粉絲清蒸扇貝，堅大隻，如果粉絲可以多些小仲好。 而係原先鐵板燒位有鮑汁花膠冬菇任食，單係食勻幾樣，已經回了一半位，當然，花膠不單啱女士，老人家都好滋補。 海鮮熱食海鮮已經吸引，凍海鮮仲豐富，有琵琶蝦、鮑魚、扇貝、沙白、花蟹、青口、海蝦咖啡蟹以及翡翠螺。 陣容係香港自助餐中實屬罕見，真心建議食鮑魚，軟熟彈牙的口感無得輸。 加上鮮甜的花蟹肉，又真係好正。 刺身有吞拿魚、三文魚、油甘魚及鯛魚，看似種類較少，但質素真係好好，尤其是不帶絲毫雪味，質地軟熟，好味。 隱藏食品大家可以試下三文魚籽配魚生飯。 壽司類有和牛壽司、甜蝦壽司、北寄貝壽司、吞拿魚壽司及三文魚壽司。 玉子燒朋友大讚的玉子燒
其實最重要係一家人食得開開心心，無須左遷右就，想食乜就食乜就最好，如果有老有小，就更加要多完化，仲要無須限時限刻，座位又逼到死，對嗎？
上次介紹過港島香格里拉Cafe Too 自助餐，就算不是節日，係家陣既環境下，都可以全場爆滿，就知道有幾吸引。
場中有個大缸，內裡是新鮮游水龍蝦，轉頭就成了即蒸開邊龍蝦，仲要free flow，就睇你可以食到幾多隻。同一個位，有粉絲清蒸扇貝，堅大隻，如果粉絲可以多些小仲好。
而係原先鐵板燒位有鮑汁花膠冬菇任食，單係食勻幾樣，已經回了一半位，當然，花膠不單啱女士，老人家都好滋補。
海鮮
熱食海鮮已經吸引，凍海鮮仲豐富，有琵琶蝦、鮑魚、扇貝、沙白、花蟹、青口、海蝦咖啡蟹以及翡翠螺。
陣容係香港自助餐中實屬罕見，真心建議食鮑魚，軟熟彈牙的口感無得輸。加上鮮甜的花蟹肉，又真係好正。
刺身有吞拿魚、三文魚、油甘魚及鯛魚，看似種類較少，但質素真係好好，尤其是不帶絲毫雪味，質地軟熟，好味。
隱藏食品大家可以試下三文魚籽配魚生飯。
壽司類有和牛壽司、甜蝦壽司、北寄貝壽司、吞拿魚壽司及三文魚壽司。玉子燒
朋友大讚的玉子燒，既香又軟。
另外，仲有章魚小丸子及唐揚雞塊。
清真區
自從上次係九龍香格里拉試過佢地既清真菜，又真係有點驚喜。
當然，擺得陣就一定要有認證，Cafe Too大大張Halal Kitchen Restaurant證書放係度，予人有信心。扁豆湯煮得好濃稠綿滑，豆香四溢，不錯。
阿拉伯羊肉飯把原隻羊脾烤好，飯粒內有腰果及葡萄乾，大家可按喜好，把羊肉弄碎，混和飯粒一齊食。
雞肉沙威瑪卷餅吃起來一點都不覺乾身。
另外仲有重口味的辣椒素醬蝦、煎雞及烤牛肉串，很有中東風味。
另一邊的清真沙律相信好多人都未食過，但真心建議大家試下，的確好特別，因為所有食材都非貴價貨，但食落又有意想不到的質感及風味。
Taboula salad混和了歐芹、薄荷葉、蕃茄、洋蔥絲、檸檬汁及橄欖油，單睇食材已知健康。
Beetroot salad
簡單的紅菜頭配以芝士，很豐富的維他命B12及鐵質，功效多多。
Stuffed Vine leaves
葡萄葉包是當中最不顯眼的食物，主要是用葡萄葉包裹香料、米飯、蔬菜及肉末，但比例及用料各有不同，好有特色。
Garlic dip
以蒜頭打成泡沫形狀，內裡加入了乳酪及紅椒粉，吃起來沒有蒜頭刺鼻的感覺，少少辛香好味。
Motabel eggplant
完全看不出茄子的端倪，把茄子褪皮再弄成絲，混和其他配料，令人很有驚喜。
其他菜色有Fattosh salad 、Mahamara
、Hummus classic、Truffel hummus及Beetroot hummus，基本上全都試了，但如果有詳細介紹會更好。
熱葷
茅台醉蝦
肉質爽彈，有酒香，不錯，最好有太太幫手剝殼就仲開心。
泰式冬陰功煮螺都幾辣下，而且要拎上手起肉。
蝦餃燒賣
有中菜廳當然是自家出品，話時話，如果係夏宮食一籠蝦餃，點都要一百幾十啦，難怪每次一refill，都是最快消失。
雪菜火鴨絲炆米
絕對是其中一款有驚喜的菜色，尤其是米粉乾身而入味，似乎比火鴨絲更吸引。
糯米蒸花蟹
重點係盡吸蟹汁的糯米飯，蟹肉反而可以輕輕帶過。
其他熱葷有煎鴨胸配香橙燒汁、烤羊髀配燒汁、川醬炒海鮮、海鮮醬炆腩肉、酸菜魚、三鮮炒芥蘭、意大利薯丸配忌廉汁及天婦羅。
湯麵區除了正常的湯麵配豬骨湯及雞湯外，可能大家都忽略了花膠蟹肉撈粗？
不過就要切記叮囑師傅把麵淥得較生，因為太熟就會有梘水味。燒味
自家製燒鵝、豉油雞及叉燒，有埋白飯仲好。
湯品
燉湯是五指毛桃花膠上肉湯，火喉足，香味濃，入口醇，必飲。另外有家庭湯水合桃蟲草花煲糖排及綿滑的椰菜花忌廉湯。
又有海皇冬瓜羹，玻璃芡不太重。Carving Station
有烤牛肋骨及烤德國香腸。
芝士、沙律及Cold Cut
芝士有St.Maure、Cheddar及Camembert。
又有莎樂美腸、煙燻三文魚、德國肉腸及DIY沙律吧。
甜品
甜品可說是其中一個亮點。
雪糕有焙茶、日式綠茶、櫻花紅豆、牛奶士多啤梨、雲呢拿以及朱古力。氹氹轉的甜品區，又是餐廳強項，充滿了日式風情。
屈指一數，不計雪糕及港式甜品，已有抹茶黑芝麻蛋糕、柚子士多啤梨蛋糕、北海道芝士蛋糕、焙茶咖啡泡芙、抹茶tiramisu、櫻花車厘子卷、草莓大福、綠茶紅豆大福、抹茶戚風蛋糕、芝士撻、抹茶撻、蜜柑寒天及馬卡龍 （有咖啡紅桑子及抹茶味）。
個人就一向喜歡 tiramisu及蜜柑寒天，但不知各位甜品控想食邊款？雞蛋仔同夾餅是越做越好，加上一球雪糕更是必食。
飲品
大堂一角，有五款已預先調好的飲品，包括了Ice Favoured Coffee、Fresh Made Lemonade、Ice Milk Tea、Tripical Juice以及Grapefruit, Lime & Lemon Tea。
张贴
