小明珠

細細個係附近居住，都知聯安街好多隱世名餐廳。今日帶埋個女黎搵好嘢食。聯安街直上到最尾就有一間川滬菜小明珠，環境衛生非常乾淨企理。我好鐘飲酸辣湯，但出面餐廳一係煮得好濃，一係煮得好稀，呢間餐廳煮得啱啱好，而且辣度亦都非常之適中，我仲可以落到胡椒粉亦都食得到木耳筍絲的味道。每次見親糖醋嘅食物都忍唔住，今次見到糖醋魚片更加開心，因為魚塊啖啖肉冇骨。糖醋比例啱啱好，酸酸甜甜好好餸飯。到到今日的主菜，濃湯爆汁小籠包。估唔到咁多湯水，一咬出嚟，滴到成個碗都係而且小籠包既皮好薄，我數過，真係有19摺架。而窩貼既肉係好濃郁好有肉味，表皮焦香脆卜卜。