申子居酒屋

营业中

休息中

呢間位於銅鑼灣嘅日式居酒屋距離地鐵站僅兩分鐘路程。木系裝潢搭配柔和燈光，營造出濃厚嘅日本深夜食堂氛圍。申子新卷賣相相當吸睛✨卷物鋪滿厚實嘅吞拿魚蓉，表層更搭配份量十足嘅海膽同三文魚籽。特別嘅係卷物中間仲加入左炸魚皮點綴，令整體口感更加豐富。滑順嘅吞拿魚蓉搭配甘香嘅海膽，鮮味十足💖汁煮左口魚裙邊經過火炙嘅魚身表面帶著微微焦香，油脂感十足。湯汁味道較為清淡，但搭配三文魚籽和魚子醬一齊食用，突顯出食材嘅鮮味😗手打墨魚棒墨魚棒外層略帶焦脆感，咬落去食到墨魚粒嘅獨特口感。搭配月見醬油汁，唔單止增添滑順感，更令整體層次更豐富！櫻花蝦炸雞腿炸衣酥脆輕盈，表面鋪滿櫻花蝦，帶出淡淡嘅鮮香。不過雞腿肉質稍嫌乾柴，略為美中不足。