黑木亭居酒屋 (金馬倫道)

趁星期五放假約咗老公去尖沙咀搵食，今次揀咗間人氣店嘆嘆串燒，因為行經餐廳樓下比它吸引，$198任食 還可追加$98任飲，重點竟然有蠔，種類講真唔算多，不過價錢算經濟，每樣都熱辣辣，如果驚凍咗店員會提供gas爐比你預熱，細心位，好多一對對傾下偈嘆住串燒，個人極愛嘅燒牛舌燒得剛剛好唔會過韌，燒雞亦仍有汁水，雞比軟骨雞髀肉都齊，豬五花甘香油脂爆口，當然金菇牛肉卷，露筍卷，荔枝豬肉卷都出色，燒菠蘿超甜，燒蠔一般因為用咗醬汁蓋過蠔嘅鮮味，黑松露唔太配搭， 純個人口味。冷氣夠亦唔成身燒烤味，爽，飲品都多選擇， Asahi， Apple Cider, 汽水，特飲也有，可以接受。全店嘅員工都偏後生有活力，跟單處理都快手。其實還有入口一個小吧台，有麵豉湯沙律同埋凍蝦添。