影片
更多
2025-04-04
257 浏览
住長沙灣嘅朋友介紹，街市開咗間新嘅鑊氣小炒叫文哥廚房，話啲嘢唔錯價錢貼地，是晚就同朋友嚟一試。而家嘅街市真係好衛生，雖然樓下嗰層都有少少味，但上到三樓嘅熟食市場好乾淨。電梯口一上嚟就係文哥廚房，地點易搵，店家熱情招呼，坐低睇下食咩先😋⭐紅燒乳鴿店家強烈推薦燒乳鴿，叫返一隻試下先，即叫即燒上枱時香噴噴，皮脆肉嫩勁正喎，咬落有油香但唔肥膩，好耐冇食過咁多汁肉嫩嘅燒乳鴿啦😍⭐椒鹽鮮魷再嚟有個香口嘢椒鹽鮮魷，炸到脆卜卜好酥脆，鮮魷厚身有咬口，椒鹽鹹鹹辣辣好惹味。⭐椒絲腐乳通菜最後係炒通菜，好大碟喎，通菜翠嫩爽口，美中不足係腐乳味唔夠濃，食慣左重口味嘛。⭐白飯食好餸唔少得叫返碗飯嘅，大大碗有飯香。食飽飽飲啖茶傾下偈，正👍
而家嘅街市真係好衛生，雖然樓下嗰層都有少少味，但上到三樓嘅熟食市場好乾淨。電梯口一上嚟就係文哥廚房，地點易搵，店家熱情招呼，坐低睇下食咩先😋
⭐紅燒乳鴿
店家強烈推薦燒乳鴿，叫返一隻試下先，即叫即燒上枱時香噴噴，皮脆肉嫩勁正喎，咬落有油香但唔肥膩，好耐冇食過咁多汁肉嫩嘅燒乳鴿啦😍
⭐椒鹽鮮魷
再嚟有個香口嘢椒鹽鮮魷，炸到脆卜卜好酥脆，鮮魷厚身有咬口，椒鹽鹹鹹辣辣好惹味。
⭐椒絲腐乳通菜
最後係炒通菜，好大碟喎，通菜翠嫩爽口，美中不足係腐乳味唔夠濃，食慣左重口味嘛。
⭐白飯
食好餸唔少得叫返碗飯嘅，大大碗有飯香。
食飽飽飲啖茶傾下偈，正👍
张贴
