文哥廚房

营业中

休息中

最近天氣雖然熱但都想食啲熱騰騰嘅小炒，果日就去左長沙灣保安道市政大廈熟食中心～文哥廚房，高質又特色嘅小炒同粉麵飯，感受下香港地道風味美食。店內環境闊落潔淨，就算多人去都夠位座。午市有特價套餐，多款粉麵飯選擇，晚飯有出名各款小炒、生猛海鮮、特式小菜、煲仔菜等，樣樣吸引。首先送來每人一碗湯，瓜果新鮮，肉骨一咬即化，湯底清甜，足料例湯。紅燒豆腐小炒鑊氣夠，依碟有齊多種食材，份量都唔少，豆腐非常軟滑，豆味濃郁，菜心翠綠鮮爽，菇菌煮得好入味，鮮甜可口。福建炒飯           炒飯都好大碟，炒至粒粒分明，材料種類多，有大大隻蝦，肉質鮮爽彈牙，醬汁混合炒飯食，口感好豐富，惹味無比。乾炒牛肉河           炒至鑊氣十足嘅牛肉河，牛肉都幾大片，香濃嫩滑，牛肉有足夠嘅調味，河粉炒得乾身，條條分明，牛河好好味。星洲炒米粉          呢碟望落去都好吸引，米粉炒得油亮均勻，金黃咖喱與特調香料濃香撲鼻，混合叉燒、蝦仁、火腿、洋蔥和蛋花等，入口香辣有鑊氣，刺激味蕾。炎熱天氣最好點冰凍可樂、凍檸檬茶及凍檸檬水，檸檬清香，口感清爽解渴。

收工想食啲地道又飽肚嘅餸菜，今次兩個人撐枱腳，揀咗《文哥廚房》，份量足之餘，價錢又平到笑，真係夠晒親民！👨🏻‍🍳秘製脆香鱔 $168一上枱已經聞到陣陣炸蒜香氣，外層炸得酥脆薄皮、唔油膩，咬落去鱔肉嫩滑多汁，鱔味濃郁之餘又帶少少魚肉嘅鮮甜，配埋炸蒜真係惹味度加倍🔥！份量唔少！🍲啫啫雞煲 $88雞件嫩滑入味，配料包括新鮮爽彈嘅豬潤、香口嘅蒜頭、紅蔥頭等，醬汁鹹香適中，唔會搶味，非常開胃！以呢個價錢嚟講，真係超值💯！我食過唔少大排檔雞煲，有啲又油又鹹，但文哥出品就啱啱好，感覺食完唔會口渴，炸鱔更加係今餐MVP🐟！📣推介大家三五知己成班人嚟開餐，叫多幾味都唔會肉赤，係嗰種會想再嚟一次嘅大排檔好選擇！

之前得知深水埗這邊，有些較地道的傳統港式菜，趁著這個週末便來試這餐廳。鮮菠蘿咕嚕肉 $88酸酸甜甜的咕嚕肉加上新鮮菠蘿配襯，真的很好吃，完全開了胃口，很少餐廳會用鮮菠蘿去煮菜，這味咕嚕肉很有誠意，令這餐加了不少分數。砵酒焗魚腸 $88現在的香港，很少地方有這味菜可以吃到，這味菜感覺很有回憶，讓我回憶到小時候跟家人外出吃飯的時光。馬拉炒貴刁 $72微辣的刺激，令這餐生色不少。食材很足而且很有鑊氣， 一吃便知道師傅的功力很厲害。看見師傅在廚房新鮮煮出每一道菜，感覺回到小時候吃大排檔的感覺，很有以前的味道，令人真是回味。#小師奶 #美食 #深水埗

對大排檔印象唔算好,熟食中心雖然會熱小小,不過如果想食比較有鑊氣同地道嘅港式小菜, 當然嚟呢啲地方會比較地道😌😌呢間算係比較乾淨企理嘅大排檔,有啲風機吹住其實都唔係太熱😎 小菜全部都大大碟又有鑊氣！！而且店家好有人情味🥹🥹啫啫雞煲 $88雞肉份量多又好滑,更有好多大大舊豬潤添😍😍😍薯仔黑椒牛柳粒 $128牛柳粒炒得好香,薯仔都勁送飯🤤🤤🤤🤤金銀蛋浸莧菜 $88超級大碟🤣食唔晒🐒🐒

O完T,同事帶咗我去保安道市政大廈熟食中心食宵夜,估唔到環境又幾光猛企理,而且乾淨！餐牌選擇多,炒粉麵飯、小炒、煲仔類,連打冷都有！牆上同黑板仲有多款小菜可以選擇！🥢鮮菠蘿咕嚕肉咕嚕肉外層炸漿唔會太厚,而且啖啖肉,配料有三色椒、洋蔥同新鮮菠蘿,酸酸甜甜好開胃!🥢金磚豆腐豆腐切到細細粒,炸到金黃色,外脆內嫩,好滑,連埋勁多炸蒜,一啖一粒好滋味！🥢椒鹽腰果雞軟骨雞軟骨炸得夠火喉,唔會好油,又唔會太乾,腰果炸得乾身脆口,有口感又惹味,啱晒餱啤酒！即刻叫返支生力啤酒飲返杯先🍻

熟食街市都可以有好多選擇，今次就同朋友過咗嚟位於長沙灣嘅大排檔，食個快飯😆係咩都未嗌嘅情況下都會有個前菜，係菜脯酸菜嚟，比你開開個胃先😙粟米斑塊 $128份量都唔少，每舊斑塊都有炸過，所以食落都幾香口，魚肉都嫩滑嘅，粟米芡汁甜甜地幾啱送飯椒鹽肉排 $88食小炒一定要嗌嘅椒鹽豬扒，外酥內軟，肉質鬆軟，幾有豬味，椒鹽嘅鹹香微辣幾惹味😚西式炒飯 $68炒得偏乾身，酸酸甜甜，份量大大兜，同埋配料都幾多，淨係蝦仁都有十幾隻🤩想食大排檔風味，又想有冷氣有風扇，呢度係一個唔錯嘅選擇😉

🔸 炸大腸    $88正宗香港大排檔做法，豬大腸整得乾淨企理，已經清走腸內所有肥膏，個人認為這味炸大腸係大排檔必點惹味佳餚，炸得超脆皮香口，蘸上甜酸醬，真係好好食。味道：8/10性價比：7/10🔸 椒鹽肉排     $88份量都唔少，有成十幾塊豬扒 ，件件厚身多肉，炸得甘香，豬扒本身係唔咸嘅，只有濃濃豬肉香味，配上微微辣味嘅椒鹽， 鹹香味十足！！味道：7/10性價比：6/10🔸 豬什煲  $88豬什有好新鮮嫩口嘅 豬肝、豬心、豬頸肉、豬肚、豬腰、粉腸，豬什本身比較淡口，做得乾淨，煲仔滿滿紅葱頭同薑葱，香味四溢，多種豬什令口感層次豐富👍味道：7/10性價比：6/10▪️🔹環境：位置喺喺保安道街市頂樓，佔熟食中心好大地方，有成三十幾台，適合一大排人嚟聚餐，大排檔美食🤪🗣毋須加一服務費

鑊氣小炒，主打港式大檔排地道菜式，特色小菜各有風味。菠蘿咕嚕肉 炸至脆香的無骨梅頭肉包裹著酸甜適中醬汁，外脆內嫩口感。搭配三色椒、洋蔥及菠蘿增添果香與清爽感。味道平衡，無骨啖啖肉。小炒皇 呢個小炒皇材料豐富，有蝦仁、魷魚、小帶子、蝦干、腰果、銀魚仔、韭菜等，搭配XO醬炒香，火候控制剛剛好。食材新鮮，魷魚和蝦仁爽口彈牙，腰果和銀魚仔增添脆卜卜脆既口感，鹹香味提升晒整道菜既層次。金銀蛋莧菜 莧菜搭配皮蛋、鹹蛋和肉碎湯，份量大大碟。莧菜幼嫩不會滾得過爛，保留新鮮口感湯汁清甜，與香濃皮蛋和滑嫩鹹蛋蛋花，令到味道好夾。港式大檔排風味小菜，菜式有水準，尤其是小炒類，火候掌握得不錯，食材新鮮價錢唔貴，環境算企理乾淨。

今日同長沙灣嘅同事去咗市政大廈熟食中心搵食，入邊有間大排檔風格嘅舖頭，環境雖舊但乾淨企理。佢哋啲小菜、粉麵、飯、甚至海鮮都有水準，真係有驚喜。我哋叫咗砵仔焗魚腸，$88，夠晒懷舊，炸得香脆嘅油炸鬼包住甘香魚腸和蛋，好有層次。乳鴿套餐就超抵，$59 有一隻炸乳鴿、一大碟炒菜、炒飯同例湯，夠晒飽。冬菜蒸黃花魚都係$50，新鮮嫩滑，味道剛好唔會太鹹。仲有乾炒牛河，河粉唔斷裂，牛肉嫩滑，上色靚，炒得夠鑊氣。

一直對熟食中心呢類地方都印象麻麻，因為普遍環境都係比較唔乾淨同嘈吵，但今次朋友帶我地去長沙灣的保安道巿政大廈，整體感覺令我改觀，除了環境ok之外，食物也很有質素，即場睇住大廚炒緊你點的餸菜，未食已經知道一定夠鑊氣，價錢仲要十分親民。梅菜扣肉飯 - $50包埋凍飲。扣肉煮得很淋，非常軟身，入口即溶。個梅菜汁配上白飯，真係一流，好快已經清哂成碟飯，仲要覺得唔夠喉。 金磚豆腐 - $88，炸到脆卜卜，但又唔油膩，真係好考功夫。炸蒜再多d，就更Perfect。豉椒炒蜆煎米粉 – 呢碟係落單個位姐姐介紹既，平時出街食碟豉椒炒蜆都起碼百幾蚊啦，依家連埋個煎米粉底都只係$118，真材實料，隻隻蜆都肥嘟嘟，仲要炒得好有鑊氣，味道當然係好啦，好抵食。

今晚小妹同豬去咗長沙灣保安道市政大廈搵野食，見到有間大排檔環境乾淨企理，價錢唔貴，就去食吓😆乾炒牛河🍝呢碟乾炒牛河每條河粉都勻循上色😆 絕對少油，而牛肉炒得夠鑊氣及夠香，牛肉肉質嫩滑，連埋新鮮爽脆芽菜，口感一流😘份量亦不少👍🏻椒鹽豬扒🐖🥩每塊豬扒炸得外脆內嫩，肉質鬆軟，食時仲散發出椒鹽既陣陣鹹香😻 豬扒肉汁豐富，加上用上半肥瘦既豬肉及香脆炸蒜，口感更佳🤭翠塘豆腐🍲呢款翠塘豆腐用咗蝦、蔬菜🥬帶子、豆腐、雞蛋🥚等😀材料非常豐富😋每啖都食到滑溜口感，送飯絕對一流，營養豐富，絕對岩哂老少咸宜食🤩整體來講呢間大排檔環境乾淨，每碟餸都炒至有鑊氣，有不少小菜選擇，絕對岩哂黎聚會或食lunch既好地方，當然一定要支持小店啦😝

家姐同我講話保安道街市上有一檔大排檔好好食，所以夜晚就去試一試。蜜椒薯仔牛柳夠*鑊氣*，熱媽媽新鮮炒出嚟。牛肉大大嚿，每嚿都有蜜椒汁包住，香味四溢。薯仔外脆內軟，再加上脆口青椒，口感層次真是超讚，味道偏濃，用嚟餸啤酒一流！椒鹽魷魚既魷魚厚度剛剛好，咬下去爽口，唔會好韌。外層金黃色脆皮加上香香的蒜蓉和椒鹽，如果份量啲就好啦🤣！這碟涼瓜肉碎煎蛋係最好食😋，涼瓜爽脆，唔會過熟煮到腍啤啤，完全不苦，搭配肉碎同香香的菜脯，這道菜清熱毒又好味！夏日炎炎，正好啤一啤，快活過神仙！

蒜蓉炒時菜（白菜） 這道蒜蓉炒時菜以新鮮的白菜為主料，蒜香撲鼻，口感清脆。簡單的調味讓菜的原汁原味得以保留，既健康又美味。紅燒乳鴿 紅燒乳鴿色澤誘人，肉質鮮嫩且入味，醬汁香濃，讓人一試成主顧。每一口都能感受到豐富的層次，超級推薦。艇家泡湯飯 這道艇家泡湯飯結合了鮮蝦、蠔、節瓜、米飯、蔥、蕃茄和魷魚，湯汁鮮美，米飯吸收了所有的精華。每一口都充滿海鮮的鮮香與蔬菜的清新，讓人倍感滿足，是一道非常適合共分享的主食。

川式辣子雞（148hkd）食大排檔就係貪佢夠鑊氣，大件夾抵食，麻麻辣辣，紅紅火火，好有川式風味，辣椒🌶️滾油猛炒的煙火氣🔥雞肉亦不乾柴紅燒豆腐（72hkd）份量充足，起碼有10嚿，呢個價錢抵食，高手在民間，師傅幾有功架，芡汁不會太厚重，豆腐入面非常嫩滑，一咬好多汁～大排檔必配大支裝啤酒🤩一人一杯Cheers🍻今次揀咗新力青啤，都幾好飲，唔算太苦澀，後來仲追加多一支添😂#foodiblum港式

今晚放假唔洗做嘢🎉，同啲朋友約咗去熟食中心食晚餐🍽️。話說熟食中心嘅餐質同大排檔差唔多，但價錢就平啲，真係好抵食💰！首先，必叫滷水乳鴿🕊️，啲肉脆皮肉嫩，前菜入口開胃😍，真係一啖下去，令人回味無窮 啖啖肉🤤。金銀蛋莧菜🥬係大碟菜，啲菜新鮮煮得恰到好處，特別係佢嘅鹹蛋黃，濃郁香滑，夠味道😋，好送飯！最後嚟個家鄉豆豉雞🐔，煲熱辣辣🔥，火喉夠，雞肉鮮嫩夠味，一啖落肚即刻感受到香辣滋味🌶️，一啲都唔會係味道淡入面冇味。呢啲菜真係物超所值💯，三樣都強烈推介👍！最後小撇步，食大排檔菜一定配白飯🍚，就可以完美地展現菜嘅風味，如果配炒飯或者炒河，味道就會混淆唔清晰😕。所以，記得配白飯先至啱口啦😉！