文哥廚房

最近天氣雖然熱但都想食啲熱騰騰嘅小炒，果日就去左長沙灣保安道市政大廈熟食中心～文哥廚房，高質又特色嘅小炒同粉麵飯，感受下香港地道風味美食。店內環境闊落潔淨，就算多人去都夠位座。午市有特價套餐，多款粉麵飯選擇，晚飯有出名各款小炒、生猛海鮮、特式小菜、煲仔菜等，樣樣吸引。首先送來每人一碗湯，瓜果新鮮，肉骨一咬即化，湯底清甜，足料例湯。紅燒豆腐小炒鑊氣夠，依碟有齊多種食材，份量都唔少，豆腐非常軟滑，豆味濃郁，菜心翠綠鮮爽，菇菌煮得好入味，鮮甜可口。福建炒飯           炒飯都好大碟，炒至粒粒分明，材料種類多，有大大隻蝦，肉質鮮爽彈牙，醬汁混合炒飯食，口感好豐富，惹味無比。乾炒牛肉河           炒至鑊氣十足嘅牛肉河，牛肉都幾大片，香濃嫩滑，牛肉有足夠嘅調味，河粉炒得乾身，條條分明，牛河好好味。星洲炒米粉          呢碟望落去都好吸引，米粉炒得油亮均勻，金黃咖喱與特調香料濃香撲鼻，混合叉燒、蝦仁、火腿、洋蔥和蛋花等，入口香辣有鑊氣，刺激味蕾。炎熱天氣最好點冰凍可樂、凍檸檬茶及凍檸檬水，檸檬清香，口感清爽解渴。…查看更多

天氣開始涼，就係食煲仔飯嘅時候啦。今次同屋企人去咗長沙灣市政大廈3樓嘅文哥廚房食煲仔菜，今晚我哋叫咗三款：⭐️臘腸排骨煲仔飯炭火煲底層飯粒燒到微微焦脆，配埋汁水滲透的臘腸同嫩滑排骨，一煲落肚即刻暖晒心。臘腸肥瘦剛好，唔會太油膩，食得出慢火功夫。⭐️荔芋滑雞煲芋頭煨到綿密如奶油，雞肉都帶有芋頭香味，食落去暖笠笠，解晒寒氣。⭐️南乳粗齋煲南乳的鹹香味好出，配埋幾種蔬菜同粉絲，簡單材料煲出層次感，送飯一流。唔油唔腥，齋得健康。📍 文哥廚房地址:香港長沙灣保安道325-329號保安道市政大廈3樓CF27-29號舖…查看更多

位於長沙灣嘅李鄭屋邨大家平時聽得多，距地附近嘅保安道有一個十分大眾化的熟食中心，正門向順寧道座扶手電梯一路直上3樓；一入眼廉就是以鑊氣同速度見稱嘅文哥廚房。剛剛呢個週末晚上天氣開始轉涼，又係食煲仔飯嘅季節。一於試下距地嘅豉汁白鱔飯。白鱔少骨且入口軟熟，豆豉味香濃。另外亦叫左碟乾炒牛河，牛河乾身不黐底，賣相焦香深啡。最後再加左一份白灼豬雜。豬雜有腰、肝、豬肚、粉腸、豬肉片同大腸，加入芽菜與中芹。份量飽肚又好下飯。叫返支冰凍嘅啤酒，男士女士也可以來個簡樸的浪漫。…查看更多

文哥廚房香港長沙灣保安道325-329號保安道市政大廈3樓CF27-29號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：荔芋臘味煲 $128，啫啫豬雜煲 $88，生力清啤大樽裝 $29荔芋臘味煲：以粉糯綿密的荔芋為主角，芋頭的香氣和澱粉質感與煲中融為一體。臘味是煲仔的靈魂，肥瘦適中的臘腸和鹹香油潤的臘肉經過加熱後，將濃郁的油脂和獨特的風味滲透進每一塊芋頭和配菜中，令人大呼滿足！😄😄😄啫啫豬雜煲：豬雜煲一上桌便熱氣騰騰，發出滋啦作響的聲響和濃烈的香氣。煲內彙集了多種新鮮的豬雜，包括口感爽脆的豬肚、柔嫩的豬潤，以及彈牙的豬腸和嫩滑的豬肉片。所有食材都均勻裹上了濃稠的醬汁，在猛火的「啫」燒下變得焦香惹味！👍👍👍生力清啤：清啤呈現出清澈透亮的淡金色，散發著微弱的麥芽香，口感冰爽俐落，酒體輕盈，入口後帶有恰到好處的碳酸氣泡感，有效地中和煲仔菜帶來的油膩和濃重感！😍😍😍…查看更多

長沙灣街市熟食中心真係一個臥虎藏龍嘅地方！今次嚟到街坊力薦嘅「文哥廚房」，試咗幾款小菜都好有水準，充滿鑊氣同家嘅味道👅豉汁蒸䱽魚䱽魚蒸得剛剛好，肉質鮮嫩滑溜，一啲都唔腥。豉汁鹹香惹味，完全滲入魚肉之中，送飯真係一流！以街市檔嚟講，有水準之上！乾炒牛河鑊氣十足，河粉炒得乾身，上色均勻，唔會太油。牛肉份量都好足，而且嫩滑有嚼口，仲有啲銀芽同蔥段增加口感同香氣👍滑蛋炒蝦滑蛋炒得超級嫩滑，蛋液半凝固嘅狀態，口感順滑到不得了，係幸福嘅味道啊～❤️蝦仁大隻爽口彈牙，係一道看似簡單但極考功夫嘅小菜。呢間真係高質隱世小店，價錢親民，味道有保證。呢種地道風味同人情味，係最難能可貴！…查看更多

🦖熟食市場 平靚大牌檔✨長沙灣保安道市政大廈熟食中心三樓，有好幾間大牌檔，專做附近打工仔生意，午市都幾旺～特價套餐，多款粉麵飯選擇，晚飯有各款小炒小菜、煲仔菜等✨八珍豆腐煲有好幾款豬雜：豬肺、豬膶、豬大腸、生腸等等！內臟處理得幾好，無乜腥味，豬肝特別爽口！高溫砂鍋焗制，豆腐好滑，味道濃郁✨豆豉鯪魚炒油麥菜正常不錯！油麥菜爽嫩惹味，炒得好有穫氣！🦖文哥廚房 📍長沙灣保安道325-329號保安道市政大廈3樓CF27-29號舖…查看更多

見到openrice 好評如潮，今日專登去試，果然係好有鑊氣，又平，見大㕑30秒已做好一個餐，超好味。選擇好多，咁啱想食蛋，宜蛋亦好考功夫，便點左個蠔仔煎蛋飯，蠔仔大隻，有莞茜蔥，蛋香有少少烘黃，完美！令我差不多食晒啲飯！（好多飯忘記叫少飯）推！會再去試晚飯，見到有荷葉籠仔蒸，羊腩煲，金銀菜豬肺湯，焗魚腸等等等等都想試！大廚見我算後生仔，問我好唔好食，我話好到不得了。佢同事話鋪頭原本係北河街，不過退左休唔做。最後悶先係長沙灣街市開番。我馬上話千祈唔好唔做，如果唔係我冇好嘢食😆…查看更多

街市熟食中心係陪伴我哋成長嘅飲食文化之一，好地道亦好有親切感，今次去呢間文哥廚房，有着大排檔式嘅鑊氣小炒及平民套餐，風味十足。荷葉籠仔蒸薑汁黃鱔飯$65揭蓋一刻香氣四溢，黃鱔份量唔惹少，質地鮮甜軟嫩中帶爽彈，並帶着薑汁嘅清香，飯粒蒸到粒粒分明，爽口有飯香，每粒飯都吸收哂黃鱔汁嘅油香，超好味，絕對唔想同人share，另加$4有杯飲品。午市蒸倉魚套餐$48倉魚肉厚，魚味濃郁，用上原粒豆豉蒸，惹味好下飯，另加$1有飲品。椒鹽九肚魚$128鑊氣十足，熱辣辣超嫩滑，香口又惹味。老火靚湯送嘅兩碗西洋菜老火靚湯，湯頭清甜。…查看更多

街市成日都會俾人嘅感覺唔係好乾淨，今日去咗長沙灣保安道街市食小炒，顛覆咗大食妹對街市嘅感覺保安道街市相對都幾乾淨企理，午市套餐只係$50左右，大大碟食完一定好飽沙拉骨$88沙拉骨炸得又香又脆，加埋個惹味醬汁，撈飯食真係一流金銀蛋浸白菜仔$88本身諗住叫莧菜，但侍應姐姐話唔當做，轉咗做白菜仔幾好食皮蛋落得重手個湯底有浸鹹香，用嚟浸菜一流蒜香斑球蒸飯$68平時喺酒樓食個班球飯成兩舊水，街市食價錢真係平一折蒸飯用荷葉包住，除咗飯香仲有陣荷葉香…查看更多

白飯魚菜脯煎蛋首先，我哋叫咗個白飯魚菜脯煎蛋，煎蛋煎得金黃香脆，白飯魚同菜脯嘅鹹香同蛋嘅香味好夾，簡單嘅菜式，但係好有鑊氣！豬肺湯跟住就係豬肺湯，湯底好清甜，冇乜味精味，飲落好舒服！豬肺都處理得好好，冇腥味，而且好足料！蒜蓉炒油麥菜蔬菜方面，我哋叫咗個蒜蓉炒油麥菜，油麥菜炒得爽脆，蒜蓉香味十足，好惹味！薑汁黃鱔飯最後，就係今日嘅主角——薑汁黃鱔飯！黃鱔飯用煲仔上，一打開蓋，薑汁嘅香味撲鼻而來！黃鱔份量都幾多，而且好新鮮，冇泥味！飯粒吸收晒薑汁同黃鱔嘅精華，好香！…查看更多

長沙灣保安道街市享負其名性價比高街坊小廚「文哥廚房」早已是街坊至愛餐館，豐儉由人的菜單，想吃奢華的新鮮海鮮或是街坊平民小炒都能大快朵頤。餐廳面積大，設有大小圓桌，絕對適合同朋友聚會，啤一啤吹水一流。豉椒炒蜆米粉底：豆豉經過煸炒後，其獨特的發酵豆香和咸味被充分釋放出來，這種咸香不是死咸，而是非常醇厚、有深度的咸鮮味。蜆肉質肥嫩，自帶一種清甜的海水鮮味。這種鮮味是任何調味料都無法替代的。蜆的鮮甜恰好可以中和豆豉的咸度，並吸收豉椒的香氣。粒粒飽滿。啫啫豬雜煲：高溫砂鍋焗制，香氣撲鼻，味道濃郁。鮑魚口感Q彈，帶有豬雜的鮮甜味，高溫啫制後更顯爽脆。豬雜醃制後鮮嫩多汁，吸收醬汁的咸香。 砂鍋燒至極熱，食材快速焗熟，底部微焦，散發出焦香。韭菜豬紅：豬紅口感滑嫩如豆腐，帶有淡淡的金屬味，經過醬料烹制後，會吸收湯汁的咸鮮，形成飽滿的底層味道。韭菜的獨特辛香氣能中和豬血的腥味，同時提供清脆口感和鮮甜回甘，尤其韭菜段炒至半熟時，香氣最濃。豬紅處理得好好，無腥味，而且咸咸辣辣，好味。總結：價錢合宜 聚會一流經濟實惠鑊氣小炒…查看更多

天氣終於冇咁熱事關今晚話會打八號風球所以今日終於都有啲風喺呢個時候就最啱去大排檔食嘢第一次去文哥廚房問職員有咩推介佢哋話籠仔飯同埋蒸魚飯套餐最抵食紅衫魚飯，我哋轉左蕃茄汁真係超級鮮甜$55呢個價錢真係平過兩餸飯 （兩餸飯嗰啲餐廳如果你揀蒸魚嘅話，可以去到成$80）籠仔飯我哋就揀咗惹味田雞飯實在太特別啦已經記唔到有幾多年係冇食過田雞仲要係用籠仔蒸好有心思全程聽到師傅勁有鑊氣咁樣炒餸真係好正冬天可以再嚟過…查看更多

今日喺長沙灣睇完中醫就同朋友去保安道街市大排檔試文哥廚房試下，坐得舒服嘅大排檔，唔錯！唔錯！1.Lee個籠仔黃鱔飯真係正！鱔肉滑嫩夠味，飯粒吸滿醬香，一口落肚超惹味！2.回鍋爽肉煲夠鑊氣！肉片爽嫩唔鞋口，配菜吸晒汁，惹味到舐舐脷，食得好過癮！3.通菜炒牛肉鑊氣超足！通菜脆嫩冇渣，牛肉滑溜入味！4.紅燒乳鴿皮脆到脆卜卜！肉嫩多汁超入味，咬落滿口脂香，食完一隻仲想食多隻！有好多餸都想試，下次再同多啲朋友嚟！…查看更多

最近真係迷上咗街市熟食中心‼️唔知係咪年紀大咗，開始鍾意啲地道味。今次就搵到嚟長沙灣保安道熟食中心，呢度真係有種「返屋企食飯」嘅感覺，冇花巧，冇裝修，但係有心機、有味道❤️🍽️ 叫咗三道小菜：椒鹽九肚魚、啫啫雞煲、啫啫芥蘭煲1️⃣ 椒鹽九肚魚一上枱就聞到香味，炸得夠乾身，外皮脆卜卜，唔會油淋淋而且粉漿係超級薄，完全係食到哂九肚魚滑捋捋嘅口感椒鹽同炸蒜粒好香，好加分2️⃣ 啫啫雞煲啫啫聲一出，即刻忍唔到夾舊嚟食，啖啖肉又唔鞋，醬汁係典型港式煲仔味，鹹香夠味，仲有啲豬潤、洋蔥、青椒做配料，炒得夠鑊氣3️⃣ 啫啫芥蘭煲芥蘭爽嫩得嚟又惹味，一啲都唔老，味道帶有少少辣，好好食籠仔荷葉蒸飯都好吸引，下次嚟食呢個先…查看更多

今日專登走入長沙灣保安道街市熟食中心，試吓呢間傳聞中嘅蒸飯檔！雖然係街市大排檔，但環境比想像中乾淨企理，枱面冇油膩感，風扇夠大坐得舒服～先講個「龍仔蒸魚腩飯」一上枱就聞到超香蒜蓉味！魚腩份量十足，蒸得剛剛好，魚肉滑溜得嚟帶少少彈牙，完全冇雪藏味。豉油汁調得鹹甜適中，撈埋熱辣辣嘅絲苗白飯，真係忍唔住一口氣清晒！最正係連飯底都滲滿魚油香，但完全唔腥，抵讚！跟住係「隔水蒸雞」～雞件斬得大細適中，雞皮金黃爽口，肉質超嫩滑！簡單用薑蔥同鹽蒸已經帶出鮮雞原味，雞味濃郁仲有肉汁流出嚟！點埋佢哋自家製嘅薑蓉油，香而不膩，簡直係靈魂所在！…查看更多