意房菜

营业中

休息中

以前經常過來食嘅旺角意房菜，第五波疫情過後已好耐無嚟，今日久別重逢，略有驚喜。叫咗半打生蠔，4隻廣島蠔及2隻法國蠔，價錢係$115。原本只係想叫$100/5隻，但店方話加$15就有半打，所以就叫夠半打。廣島蠔依舊大隻，今日嘅蠔比以前少咗少許嘅creamy，但就增加咗少少嘅鮮。法國蠔每次嚟叫都無貨，今次第一次食，比較咸及濃味一啲。個人都係喜歡廣島蠔，易入口之餘，夠大隻夠飽肚。跟湯嘅蒜蓉包，比較乾身酥皮忌廉湯，即叫即焗，所以要稍等一陣。感覺個酥皮比以前香口咗，亦多咗份蛋黃香。先來鵝肝牛柳，首先個餐加咗$10，由以前嘅$99調升至$109，加大鵝肝方面由就調升至$29。味道方面，牛柳好似多咗賺香草味，而黑椒汁就重咗黑椒味。酥皮方面如酥皮湯係有所提升。雜扒就不過不失，正常發揮啦。以前過嚟食店面總係人頭湧湧，唔知是否太忙而導致質素有所下降。而今日過嚟食嘅時候係正常人流，終於可以感受返佢應有嘅質素。