影片
更多
2017-10-14
184 浏览
友人自新加坡來話想去十下試吓。我打電話去訂枱嘅時候店員問想訂邊個時段：五點半到八點半定八點半到10點半。估唔到星期四晚上都分時段。我心諗「正呀！一定係好嘢」。果然真係好一出電梯就見到別樹一格嘅裝修。短短嘅走廊好似時光隧道咁樣，然後聽到裏面傳來一句歌「焚心以火orrr…」嘩！ 80年代啊全餐飯都聽住80年代嘅歌，好有感覺、味道。我哋兩個人叫咗一個精選套餐。落單後啲食物好快就送到。係 . 好 . 快 .個龍蝦鮑魚海鮮鍋堆滿好多海鮮。有龍蝦，鮑魚，海螺，花甲，墨魚仔，扇貝，帶子等等。湯底係蕃茄，所以好香特別鮮甜。除咗精選套餐，我哋仲叫咗一碟本地手切牛肉。先從牛肉講起。OK嘅。牛味幾重，只係有啲韌同埋「鞋」。如果切薄少少可能會好啲。我突然間諗起舊時試過一個打邊爐嘅食法，就叫咗一隻雞蛋…攞咗啲蛋白，將牛浸一浸蛋白先至放落個鍋度拖一拖。果然 ．即刻 ．滑晒！（正在播放歌曲：無名份的浪漫）呢個蟹肉蟹粉餃都OK嘅。但係大家要有心理準備佢嘅蟹肉味道並唔係肉蟹、花蟹、或者三點蟹丶藍腳蟹嘅肉，而係有雪蟹丶麵包蟹嘅蟹肉蟹膏味。平時打邊爐通常都係食炸魚皮但係呢度賣嘅係炸魚骨。唔會好似魚皮咁容易淋，好香口，脆脆哋
一出電梯就見到別樹一格嘅裝修。短短嘅走廊好似時光隧道咁樣，然後聽到裏面傳來一句歌「焚心以火orrr…」嘩！ 80年代啊
全餐飯都聽住80年代嘅歌，好有感覺、味道。
我哋兩個人叫咗一個精選套餐。落單後啲食物好快就送到。係 . 好 . 快 .
個龍蝦鮑魚海鮮鍋堆滿好多海鮮。有龍蝦，鮑魚，海螺，花甲，墨魚仔，扇貝，帶子等等。湯底係蕃茄，所以好香特別鮮甜。
除咗精選套餐，我哋仲叫咗一碟本地手切牛肉。先從牛肉講起。
OK嘅。牛味幾重，只係有啲韌同埋「鞋」。如果切薄少少可能會好啲。我突然間諗起舊時試過一個打邊爐嘅食法，就叫咗一隻雞蛋…
攞咗啲蛋白，將牛浸一浸蛋白先至放落個鍋度拖一拖。果然 ．即刻 ．滑晒！
（正在播放歌曲：無名份的浪漫）
呢個蟹肉蟹粉餃都OK嘅。但係大家要有心理準備佢嘅蟹肉味道並唔係肉蟹、花蟹、或者三點蟹丶藍腳蟹嘅肉，而係有雪蟹丶麵包蟹嘅蟹肉蟹膏味。
平時打邊爐通常都係食炸魚皮但係呢度賣嘅係炸魚骨。唔會好似魚皮咁容易淋，好香口，脆脆哋，好好食。
（正在播放歌曲：真的愛你）
蔬菜拼盤裏面嘅蔬菜值得一提因為真係好嫩，好靚嘅蔬菜，好甜嘅蘿蔔。
一枱嘅食物都試過之後終於都要企起身去處理面前嘅呢一碟三寶滑。誰不知呢一碟十下三寶滑先至係全晚嘅重點推介
簡單來講，牛肉有馬蹄；墨魚有鹹蛋黃；鯪魚有… 臘腸！
我本來以為鯪魚滑裡面嘅係午餐肉。心諗「幾特別喎，應該幾好食喎」一咬落口…噢！原來係臘腸！真係恕我孤陋寡聞，真係冇諗過咁樣嘅配搭會咁夾。
牛肉有好輕微嘅辣椒味（係辣椒味而唔係辣味）加埋爽口嘅馬蹄，而馬蹄帶有水份所以呢個牛肉滑並唔會好似平時嘅牛肉滑咁乾。好嘢👏🏼。
墨魚鹹蛋黃都好食，只係冇太大嘅驚喜啫。
真係諗唔到而家打邊爐嘅滑竟然躍升到呢個層次。
就好似鋪頭裏面播緊嘅歌一樣，真係「深愛着你」
鋪頭裏面仲有好多我都已經忘記咗嘅東西。譬如哩支原子筆同嗰盞書枱燈
最後值得讚嘅係呢度嘅服務非常好。可以講一句賓至如歸。
张贴
